![bus](https://www.yenztimes.com/wp-content/uploads/2023/10/bus-678x381.jpg)
കോഴിക്കോട് ദമ്പതികളുടെ മരണത്തിനിടയാക്കിയ വാഹനാപകടത്തില് രണ്ടുപേര് അറസ്റ്റില്. ബസ് ഡ്രൈവര് അഖില് കുമാറിനെയും ബസ് ഉടമ അരുണിനെയും ചേവായൂര് പൊലീസാണ് അറസ്റ്റ് ചെയ്തത്. അഖില് കുമാറിനെതിരെ മനഃപൂര്വ്വമല്ലാത്ത നരഹത്യക്കാണ് കേസെടുത്തത്. ബസ് ഉടമയ്ക്കെതിരെ പ്രേരണാകുറ്റമാണ് ചുമത്തിയത്. ഇരുവരേയും കോടതി റിമാന്ഡ് ചെയ്തു.
വാഹനാപകടത്തില് കക്കോട് സ്വദേശി ഷൈജു, ഭാര്യ ജീമ എന്നിവരാണ് മരിച്ചത്. ഇവര് സഞ്ചരിച്ച സ്കൂട്ടര് സ്വകാര്യ ബസുകള്ക്കിടയില്പ്പെട്ടാണ് ദമ്പതികള് മരിച്ചത്. മലാപ്പറമ്പിന് സമീപം വെങ്ങേരിയില് വെച്ചായിരുന്നു അപകടമുണ്ടായത്.
ദമ്പതികള് ബാലുശ്ശേരി ഭാഗത്തു നിന്നും കോഴിക്കോടേക്ക് പോകുകയായിരുന്നു. ഇരുവരെയും ആശുപത്രിയില് എത്തിച്ചപ്പോഴേക്കും മരിച്ചിരുന്നു. വിദ്യാഭ്യാസ വകുപ്പിൽ ജീവനക്കാരനാണ് ഷൈജു. വിദ്യാർത്ഥികളായ അശ്മിതയും അശ്വന്തുമാണ് മക്കള്.
Be the first to comment