ഉമ്മൻ ചാണ്ടിയെ അനുസ്മരിച്ച് കോൺഗ്രസ് നേതാക്കൾ

കോട്ടയം: മുൻ മുഖ്യമന്ത്രിയും കോൺഗ്രസ് നേതാവുമായ ഉമ്മൻ ചാണ്ടിയെ അനുസ്മരിച്ച് കോൺഗ്രസ് നേതാവ് രാഹുൽ ഗാന്ധി. ഉമ്മൻ ചാണ്ടി കേരള ചരിത്രത്തിൻ്റെ മായാത്ത ഭാഗമാണ് എന്ന് രാഹുൽ ഗാന്ധി പറഞ്ഞു. ജീവിതം കേരളത്തിലെ ജനങ്ങൾക്കായി ചെലവഴിച്ച യഥാർത്ഥ ജനനേതാവാണ് .എല്ലാ പദവികളിലും ജനപ്രതിനിധിയുടെ സത്ത ഉൾക്കൊണ്ട് പ്രവർത്തിച്ചു. കാഴ്ചപ്പാടും അർപ്പണബോധവും കരുതലും ഉള്ള നേതാവായി തുടർന്നു.ഉമ്മൻ ചാണ്ടിക്ക് ആദരാഞ്ജലികൾ അർപ്പിക്കുന്നു എന്നും രാഹുൽ ഗാന്ധി പറഞ്ഞു. സമൂഹ​ മാധ്യമത്തിലൂടെയായിരുന്നു അദ്ദേഹം അനുസ്മരിച്ചത്.

A true leader of the people, Oommen Chandy ji spent his life in the service of the people of Kerala with unwavering dedication.

His journey and the legacy of the Indian National Congress are intertwined. As a people’s representative, a minister, and as Chief Minister, he… pic.twitter.com/OEydG4OD4R

— Rahul Gandhi (@RahulGandhi) July 18, 2024

സംസ്ഥാനത്തിൻ്റെ വികസനത്തിലും രാജ്യത്തിൻ്റെ രാഷ്ട്രീയ ഭൂപ്രകൃതിയിലും ശാശ്വതമായ ഒരു പാരമ്പര്യം അവശേഷിപ്പിച്ച ശക്തനായ നേതാവും മുൻ മുഖ്യമന്ത്രിയുമായ ഉമ്മൻചാണ്ടിക്ക് ആദരാഞ്ജലികൾ എന്ന് കോൺ​ഗ്രസ് അദ്ധ്യക്ഷൻ മല്ലികാർജുൻ ഖാ‍ർ​ഗെ കുറിച്ചു. അചഞ്ചലമായ അർപ്പണവും നേതൃപാടവവും വഴി ജനനായകനായ നേതാവാണ് ഉമ്മന്‍ചാണ്ടിയെന്ന് ഖർ​ഗെ അനുസ്മരിച്ചു.

We pay our respects to a stalwart leader and former Chief Minister of Kerala, Oommen Chandy who left an enduring legacy in the state’s development and the country’s political landscape.

His unwavering dedication, visionary leadership, and unshakeable commitment to the people… pic.twitter.com/MAnE7p64Gl

— Mallikarjun Kharge (@kharge) July 18, 2024

നിസ്വാർത്ഥമായ സേവനത്തിനും ജനങ്ങളുടെ ക്ഷേമത്തിനായുള്ള സമർപ്പണത്തിനും അദ്ദേഹം ആഴത്തിൽ സ്മരിക്കപ്പെടും. ഉമ്മൻ ചാണ്ടി എക്കാലവും ആദരിക്കപ്പെടുന്ന നേതാവാണ്. അദ്ദേഹത്തിൻ്റെ കാരുണ്യവും വിനീതവുമായ നേതൃത്വം ഓരോ കോൺഗ്രസുകാരനും എക്കാലവും ആദരിക്കപ്പെടുമെന്ന് ഖാർ​ഗെ സമൂഹമാധ്യമത്തിൽ കുറിച്ചു.