ഭക്ഷണം കഴിച്ചിട്ടും കാര്യമില്ല, മദ്യപാനം വിറ്റാമിൻ ബിയുടെ അഭാവത്തിന് കാരണമാകും

മദ്യം ആരോ​ഗ്യത്തിന് എത്രത്തോളം ഹാനികരമാണെന്ന് അറിയാമെങ്കിലും തൽക്കാലികമായ കാരണങ്ങൾക്കായി മദ്യപാനം ശീലമാക്കുന്നവർ പിന്നീട് ​ഗുരുതര ആരോ​ഗ്യ പ്രശ്നങ്ങളിലേക്ക് വീണു പോകാറുണ്ട്. മദ്യപാനം ദഹന വ്യവസ്ഥയെയും കരളിനെയും തകരാറിലാക്കുന്നു. ഇത് ശരീരത്തിന് വേണ്ട പോഷകങ്ങളുടെ ആ​ഗിരണം ഇല്ലാതാക്കും.

ശരീരത്തിലെ വ്യത്യസ്ത പ്രവർത്തനങ്ങളെ പിന്തുണയ്ക്കുന്ന എട്ട് ബി വിറ്റാമിനുകൾ അടങ്ങിയ അവശ്യ പോഷകമാണ് വിറ്റാമിൻ ബി കോംപ്ലക്സ്. മദ്യപാനം ദഹന വ്യവസ്ഥയെ തകിടം മറിക്കുന്നതിലൂടെ ഭക്ഷണത്തിൽ നിന്ന് അവശ്യപോഷകങ്ങൾ ആ​ഗിരണം ചെയ്യാനുള്ള കഴിവിനെ തടയുന്നു. കൂടാതെ ഇത് മെറ്റബോളിസത്തിൽ പ്രധാന പങ്കു വഹിക്കുന്ന കരളിന് ഇരട്ടി സമ്മർദമുണ്ടാക്കുന്നു.