ദുബായ് (യുഎഇ): വനിതാ ടി20 ലോകകപ്പിലെ രണ്ടാം മത്സരത്തിൽ പാകിസ്ഥാനെ 6 വിക്കറ്റിന് തകർത്ത് ഇന്ത്യക്ക് തകർപ്പൻ ജയം. ടോസ് നേടിയ പാകിസ്ഥാന് ബാറ്റിങ് തിരഞ്ഞെടുക്കുകയായിരുന്നു. പാക് പെണ്‍പട ഉയര്‍ത്തിയ 106 റണ്‍സ് വിജയലക്ഷ്യം ഏഴ് പന്തുകള്‍ ബാക്കിനില്‍ക്കെ നാല് വിക്കറ്റ് നഷ്ടപ്പെടുത്തി ഇന്ത്യ എത്തിച്ചേര്‍ന്നു. 35 പന്തില്‍ 32 റണ്‍സെടുത്ത ഷഫാലി വര്‍മയാണ് ഇന്ത്യയുടെ ടോപ് സ്‌കോറര്‍.
ഇന്ത്യയുടെ വലംകൈയ്യൻ പേസർ അരുന്ധതി റെഡ്ഡിയാണ് പാക് ടീമിന്‍റെ മധ്യനിരയെ പൂർണമായും തകർത്തത്. 4 ഓവറിൽ 19 റൺസ് വഴങ്ങി 3 വിക്കറ്റാണ് താരം വീഴ്ത്തിയത്.ശ്രേയങ്ക പാട്ടീല്‍ 4 ഓവറിൽ 12 റൺസ് വഴങ്ങി 2 വിക്കറ്റെടുത്തു. രേണുക സിങ്, ദീപ്‌തി ശർമ്മ, ആശാ ശോഭന എന്നിവർ ഓരോ വിക്കറ്റ് വീതം വീഴ്ത്തി.
ഷെഫാലിയുടെ മികച്ച സ്‌കോറിന് കൂടാതെ ഹർമൻപ്രീത് കൗർ (29), ജെമിമ റോഡ്രിഗസ് (23) എന്നിവർ ഇന്ത്യയെ വിജയത്തിലെത്തിക്കുന്നതില്‍ പ്രധാന പങ്കുവഹിച്ചു. മന്ദാനയ്ക്ക് 7 റൺസ് മാത്രമേ എടുക്കാനായുള്ളൂ.
#TeamIndia are back to winning ways!
A 6-wicket win against Pakistan in Dubai 👏👏
📸: ICC
Scorecard ▶️ https://t.co/eqdkvWWhTP#T20WorldCup | #INDvPAK | #WomenInBlue pic.twitter.com/0ff8DOJkPM
— BCCI Women (@BCCIWomen) October 6, 2024
Be the first to comment