കേരള ഗവര്ണര് ആരിഫ് മുഹമ്മദ് ഖാനെതിരെ ഇടതുമുന്നണി (LDF) പ്രക്ഷോഭത്തിലേക്ക്. സംസ്ഥാനവ്യാപക പ്രതിഷേധത്തിനാണ് എല്.ഡി.എഫ് ആഹ്വാനം നല്കിയിരിക്കുന്നത്. ഇന്ന് ചേര്ന്ന മുന്നണി നേതാക്കളുടെ യോഗത്തിലാണ് തീരുമാനം.
നവംബര് 15-ന് രാജ്ഭവന്റെ മുന്നില് ധര്ണ സംഘടിപ്പിക്കുമെന്നും മുഖ്യമന്ത്രിയടക്കമുള്ള മുതിര്ന്ന എല്ഡിഎഫ് നേതാക്കള് രാജ്ഭവന് മുന്നിലെ പ്രതിഷേധ ധര്ണയില് പങ്കെടുക്കുമെന്നും സിപിഎം സംസ്ഥാന സെക്രട്ടറി എം.വി. ഗോവിന്ദന് വാര്ത്താസമ്മേളനത്തില് പറഞ്ഞു. ചാന്സലര് പദവിയെ ദുരുപയോഗം ചെയ്തുകൊണ്ട് ഗവര്ണര് നടത്തുന്ന പ്രവര്ത്തികള് അപമാനകരമാണെന്നും ഗോവിന്ദന് കുറ്റപ്പെടുത്തി.
ജില്ലാ തലങ്ങളില് പ്രതിഷേധം സംഘടിപ്പിക്കുമെന്നും സമാനമായി ചിന്തിക്കുന്ന വിദ്യാര്ത്ഥികള്, വിദ്യാഭ്യാസ മേഖലയിലെ വിദഗ്ധര്, സമൂഹത്തിലെ മറ്റു പ്രമുഖര് എന്നിവരെ ഏകോപിപ്പിച്ചുകൊണ്ട് സംസ്ഥാന അടിസ്ഥാനത്തില് നവംബര് രണ്ടാം തീയ്യതി തിരുവനന്തപുരത്ത് കണ്വെന്ഷന് നടത്തുമെന്നും അദ്ദേഹം വ്യക്തമാക്കി. കേരളത്തിലെ ജനത ഒറ്റക്കെട്ടായി ഇത്തരം പ്രവണതകളെ എതിര്ക്കണമെന്നും എം.വി. ഗോവിന്ദന് ആവശ്യപ്പെട്ടു.
Be the first to comment