പാലക്കാട് : വടക്കഞ്ചേരി-മണ്ണുത്തി ദേശീയപാതയിൽ പന്നിയങ്കര ടോൾ പ്ലാസയിൽ നാളെ മുതൽ ടോൾ നിരക്ക് വർദ്ധിക്കും. അഞ്ച് ശതമാനം വരെ നിരക്ക് വർദ്ധിപ്പിക്കാനാണ് നാഷണൽ ഹൈവേ അതോറിറ്റി തീരുമാനം. കാർ,ജീപ്പ്,വാൻ എന്നിവയ്ക്ക് ഒരു ഭാഗത്തേക്ക് 105 രൂപയും, രണ്ട് ഭാഗത്തേക്ക് 155 രൂപയാകും. കഴിഞ്ഞ മാർച്ച് 9 ന് പന്നിയങ്കരയിൽ ടോൾ പിരിവ് ആരംഭിച്ചതിന് ശേഷം ഇത് രണ്ടാം തവണയാണ് നിരക്ക് വർദ്ധിപ്പിക്കുന്നത്.
വാന്‍, കാര്‍, ജീപ്പ്, ചെറിയ വാഹനങ്ങള്‍ തുടങ്ങിയവയ്ക്ക് നേരത്തെ 90 രൂപയായിരുന്നു നിരക്ക്. ഇരു ഭാഗത്തേക്കുമാണെങ്കില്‍ 135 രൂപയും. ആദ്യം ഏപ്രിൽ മാസത്തിലാണ് ഇവിടെ കരാർ കമ്പനി നിരക്ക് വർദ്ധിപ്പിച്ചത്. ഇവിടെ ടോള്‍ പിരിവ് ആരംഭിച്ചതിന് പിന്നാലെ വ്യാപക പ്രതിഷേധം ഉയര്‍ന്നിരുന്നു. ബസുകള്‍ ട്രാക്കില്‍ നിര്‍ത്തിയിട്ടും, ആളുകളെ ഇറക്കി വിട്ടും സ്വകാര്യ ബസുകള്‍ ഉൾപ്പെടെ പ്രതിഷേധിച്ചിരുന്നു.
Be the first to comment