പട്ടിണി മാറ്റാൻ തെരുവിൽ പാട്ടുപാടി; അബ്ദു റോസിക് ഇന്ന് കോടീശ്വരൻ

ഹിന്ദി ബിഗ്‌ബോസ് – 16 ൽ തന്റെ ക്യൂട്ട്നസ് കൊണ്ട് എല്ലാവരുടെയും ഹൃദയം കീഴടക്കികൊണ്ടിരിക്കുന്ന മത്സരാർഥിയാണ് താജിക്കിസ്ഥാനിൽ നിന്നുള്ള 19 കാരനായ അബ്‌ദുറോസിക്. ലോകത്തിലെ ഏറ്റവും ചെറിയ പാട്ടുകാരൻ, ഹിന്ദി അറിയില്ലെങ്കിലും ഹിന്ദി പാട്ടുകൾ പാടുന്ന കൊച്ചു അബ്‌ദു ബിഗ് ബോസ് – 16ലെ ഹരമാണ്.

അബ്‌ദു റോസിക് ഇന്ന് ബ്രാൻഡഡ് വസ്ത്രങ്ങളിലും ചെരുപ്പുകളിലും ആഡംബര ജീവിതം നയിക്കുകയും സ്വപനങ്ങൾ കയ്യെത്തിപ്പിടിക്കുകയും ചെയ്യുമ്പോൾ ഒരുകാലത്ത്  അബ്‌ദുവിന്റെ അവസ്ഥ വളരെ മോശമായിരുന്നു. ഇതിന് തെളിവാണ് അബ്‌ദു റോസിക്കിന്റെ ഈ വൈറലായ വീഡിയോ. 

#AbduRozik an inspiration for everyone. From nowhere to Everywhere. pic.twitter.com/y6dzC0lGho

— The Khabri (@TheKhabriTweets) November 3, 2022

അബ്‌ദുവിന്റെ കുട്ടിക്കാലത്തേതാണ് ഈ വീഡിയോ. പഴക്കടയുടെ മുന്നിൽ നിന്നുകൊണ്ട് അബ്‌ദു പാട്ട് പാടുന്നത് കാണാം. അബ്‌ദുവിന്റെ പാട്ടുകളിൽ സന്തുഷ്ടരായ ആളുകൾ പണം നൽകുന്നുണ്ട്.

കൊച്ചു അബ്‌ദുവിന്റെ ഈ വീഡിയോ ശരിക്കും പ്രചോദനം നൽകുന്നതാണ്. തന്റെ വീട്ടിലെ ദുഷ്‌കരമായ സാഹചര്യങ്ങൾ കണ്ട അബ്‌ദു കുട്ടിക്കാലത്ത് തെരുവിൽ പാടാൻ തുടങ്ങി, അങ്ങനെ സമ്പാദിച്ചു. ഉയരക്കുറവ് തന്റെ സ്വപ്നങ്ങളിൽ തടസ്സമാകാൻ അബ്‌ദു ഒരിക്കലും അനുവദിച്ചില്ല. എത്ര ബുദ്ധിമുട്ടുകൾക്കിടയിലും അബ്‌ദു കഠിനാധ്വാനം ചെയ്തു, ഇന്ന് ഏവരും അറിയപ്പെടുന്ന താരമായി അബ്‌ദു മാറി.

ബിഗ് ബോസ് ഷോയ്ക്കിടെ തന്റെ കടന്നുപോയ കയ്‌പ്പേറിയ നാളുകളെ അനുസ്മരിച്ചുകൊണ്ട് അബ്‌ദു പറഞ്ഞു – ഞങ്ങൾക്ക് താമസിക്കാൻ നല്ലൊരു വീട് പോലും ഇല്ലായിരുന്നു. വീടിന്റെ മേൽക്കൂരയിൽ നിന്ന് വെള്ളം ഒലിച്ചിറങ്ങുന്നുണ്ടായിരുന്നു. ഒടുവിൽ അംഗീകാരം ലഭിച്ചതിന് ശേഷം എനിക്ക് ജോലി കിട്ടി, നന്നായി സമ്പാദിക്കാൻ തുടങ്ങി. അതിനുശേഷം ഞാൻ എന്റെ മാതാപിതാക്കൾക്കായി ഒരു നല്ല വീട് വാങ്ങി. 

അബ്‌ദു റോസിക് തീർച്ചയായും ഒരു ഉദാഹരണമാണ്. അബ്‌ദുവിന് ഉയരം കുറവായിരിക്കാം, പക്ഷേ അവന്റെ ഹൃദയം വളരെ വലുതാണ്. ബിഗ് ബോസിലും അബ്‌ദു തന്റെ ആരാധകരുടെ മനസ്സ് കീഴടക്കുകയാണ്. തല്ലും വഴക്കും നടത്തി വിവാദങ്ങൾ സൃഷ്ടിക്കാൻ ബാക്കിയുള്ള താരങ്ങൾ ശ്രമിക്കുന്ന ഷോയിൽ, ചിരിച്ച് കളിച്ച് ആരാധകരെ കയ്യിലെടുക്കുകയാണ് കൊച്ചു അബ്‌ദു.