വടക്കാഞ്ചേരി: ഓണ്‍ലൈന്‍ തട്ടിപ്പിലൂടെ നഷ്ടമായ പണം തിരികെ ലഭിക്കാനായി അതേ രീതിയില്‍ തട്ടിപ്പ് നടത്തിയ യുവാവ് പിടിയില്‍. കോഴിക്കോട് ഫറോക്ക് കരുവന്‍തുരുത്തി സ്വദേശി സുജിത്താണ് അറസ്റ്റിലായത്. ഓണ്‍ലൈന്‍ തട്ടിപ്പിലൂടെ വടക്കാഞ്ചേരി സ്വദേശിയായ യുവതിയുടെ പക്കല്‍ നിന്നും 1.93 ലക്ഷം രൂപ കൈക്കലാക്കിയെന്ന കേസിലാണ് യുവാവിനെ അറസ്റ്റ് ചെയ്തത്.
വര്‍ക്ക് ഫ്രെം ഹോം എന്ന പരസ്യം സമൂഹമാധ്യമത്തില്‍ കണ്ടാണ് യുവതി തട്ടിപ്പുകാരെ ബന്ധപ്പെടുന്നത്. തുടർന്ന് ജോലിക്കായി പണം നല്‍കി. തട്ടിപ്പിനിരയായെന്ന് മനസിലായപ്പോൾ ആണു യുവതി വടക്കാഞ്ചേരി പൊലീസിൽ പരാതി നൽകിയത്. ഓണ്‍ലൈന്‍ തട്ടിപ്പിലൂടെ സുജിത്തിന് നഷ്ടമായത് 1.40 ലക്ഷം രൂപയാണ്. തുടർന്നാണ് യുവാവ് യുവതിയില്‍ നിന്നും തട്ടിപ്പിലൂടെ പണം കൈക്കലാക്കിയത്.തട്ടിപ്പിന് പിന്നില്‍ ഉത്തരേന്ത്യന്‍ സംഘം ഉണ്ടെന്ന് പൊലീസ് പറഞ്ഞു. കൂടുതല്‍ പേര്‍ തട്ടിപ്പിന് ഇരയായിട്ടുണ്ടെന്നാണ് വിവരം. സംഭവത്തിൽ പൊലീസ് അന്വേഷണം തുടരുകയാണ്.
Be the first to comment