അതിരമ്പുഴ: കുടുംബശ്രീ ജില്ലാ മിഷന്റെ നേതൃത്വത്തിൽ കോട്ടയം ജില്ലയിൽ ഒക്ടോബർ 1 മുതൽ ഡിസംബർ 10 വരെ തിരികെ സ്‌കൂളിലേക്ക് എന്ന ക്യാമ്പയിൻ സംഘടിപ്പിച്ചു വരുന്നു. ക്യാമ്പയിന്റെ ഭാഗമായി അതിരമ്പുഴ സി ഡി എസിന്റെ നേതൃത്വത്തിൽ ഇന്ന് നടന്ന തിരികെ സ്‌കൂളിലേക്ക് പരിപാടി സെന്റ് അലോഷ്യസ് എൽ പി സ്കൂളിൽ അതിരമ്പുഴ ഗ്രാമ പഞ്ചായത്ത് പ്രസിഡന്റ്‌ ശ്രീ. സജി തടത്തിൽ ഉദ്ഘാടനം ചെയ്തു. അതിരമ്പുഴ സി ഡി എസ് ചെയർപേഴ്സൺ ശ്രീമതി. ഷബീന നിസാർ അധ്യക്ഷത വഹിച്ചു.
ക്ഷേമ കാര്യസ്റ്റാന്റിങ് കമ്മറ്റി ചെയർപേഴ്സൺ ശ്രീമതി. ഫസീന സുധീർ, വാർഡ് മെമ്പർ ബേബിനാസ് അജാസ്, പഞ്ചായത്ത് അസിസ്റ്റന്റ് സെക്രട്ടറി ശ്രീമതി. രമ്യ സൈമൺ, സി ഡി എസ് മെമ്പർമാർ എന്നിവർ സന്നിഹിതരായിരുന്നു. 3 വാർഡുകളിലായി 26 കുടുംബശ്രീയിൽ നിന്ന് 286 അംഗങ്ങൾ പങ്കെടുത്തു.
Be the first to comment