കോട്ടയം: പേരൂർക്കാവ് ഭഗവതിക്ഷേത്രത്തിൽ ബംഗാൾ ഗവർണർ സി വി ആനന്ദബോസ് ദർശനം നടത്തി. പേരൂർക്കാവ് ചാലയ്ക്കൽ ദേവസ്വം പ്രസിഡന്റ് മുരളിധരൻ നായർ ,643ാം നമ്പർ എൻ എസ് എസ് സെക്രട്ടറി ശാരംഗധരൻ നായർ, ഹിന്ദു ഐക്യവേദിക്ക് വേണ്ടി രതീഷ് കൃഷ്ണൻ എന്നിവർ അദ്ദേഹത്തെ പൊന്നാട അണിയിച്ചു സ്വികരിച്ചു.
വാർഡ് കൗൺസിലർ അജിത ഷാജി, കൗൺസിലർ അജിശ്രീ മുരളി ,ക്ഷേത്രം ഭരണ സമിതി അംഗങ്ങൾ അടക്കം നിരവധി ഭക്തജനങ്ങൾ അദ്ദേഹത്തെ സ്വികരിക്കാൻ ക്ഷേത്രത്തിൽ എത്തിയിരുന്നു.
കോട്ടയം മാന്നാനം സ്വദേശിയാണ് സി വി ആനന്ദബോസ്. 2019 ലെ ലോക്സഭാ തെരഞ്ഞെടുപ്പിന് മുന്നോടിയായി ബിജെപി യിൽ ചേർന്ന ആനന്ദബോസ് വൈസ് ചാൻസലർ, അണുശക്തി വകുപ്പിലെ വിദ്യാഭ്യാസ സ്ഥാപനങ്ങളുടെ ചെയർമാൻ തുടങ്ങി നിരവധി മേഖലകളിൽ സേവനമനുഷ്ഠിച്ചിട്ടുണ്ട്. ബംഗാൾ ഗവർണറായിരുന്ന ജഗ്ധീപ് ധൻകർ ഉപരാഷ്ട്രപതിയായതിന്റെ ഒഴിവിലാണ് സിവി ആനന്ദബോസിനെ ബംഗാൾ ഗവർണറായി രാഷ്ട്രപതി നിയമിച്ചത്.
Be the first to comment