കർണാടകയിൽ അട്ടിമറിയിലൂടെ ഒരു രാജ്യസഭാ സീറ്റ് പിടിക്കാൻ കരുക്കൾ നീക്കിയ ബിജെപിക്ക് തിരിച്ചടിയായി എംഎൽഎയുടെ ക്രോസ് വോട്ടിങ്. ബിജെപി എംഎൽഎ എസ് റ്റി സോമശേഖർ കോൺഗ്രസിന് ക്രോസ് വോട്ടു ചെയ്തതായി സ്ഥിരീകരണം. മനസാക്ഷി വോട്ടു രേഖപ്പെടുത്തിയെന്നു എംഎൽഎയും പിന്നീട് പാർട്ടി ചീഫ് വിപ്പ് ദൊഡ്ഡണ്ണ ഗൗഡയും സ്ഥിരീകരിച്ചതോടെയാണ് വോട്ടെണ്ണലിന് മുൻപ് വിവരം പുറത്തറിഞ്ഞത്.
എംഎൽഎ ക്രോസ്സ് വോട്ടു ചെയ്യുമെന്ന് നേരത്തെ അഭ്യൂഹമുണ്ടായിരുന്നെങ്കിലും ബിജെപി നേതൃത്വം അത് കാര്യമാക്കിയിരുന്നില്ല. വോട്ടു രേഖപ്പെടുത്തിയതിനെ കുറിച്ചുളള മാധ്യമ പ്രവർത്തകരുടെ ചോദ്യങ്ങൾക്ക് ഉത്തരമായി എസ് റ്റി സോമശേഖർ തന്നെയാണ് ക്രോസ് വോട്ട് രേഖപ്പെടുത്തിയെന്ന സൂചന നൽകിയത്. മനസാക്ഷി വോട്ടു രേഖപ്പെടുത്തി എന്നായിരുന്നു മാധ്യമ ക്യാമറകൾക്ക് മുന്നിൽ അദ്ദേഹത്തിന്റെ പ്രതികരണം.
Be the first to comment