മൂവാറ്റുപുഴ: എംസി റോഡില് കച്ചേരിത്താഴം പാലത്തിന് സമീപത്തായി അപ്രോച് റോഡില് ഇന്നലെ രാത്രി 9 മണിയോടെയാണ് റോഡ് ഇടിഞ്ഞ് ആഴത്തിലുള്ള കുഴി രൂപപ്പെട്ടത്. ബിഎസ്എന്എല് കോണ്ക്രീറ്റ് ചേമ്പര് പൊട്ടിച്ചുമാറ്റിയാണ് കുഴി അടക്കുന്നതിനുള്ള പ്രവര്ത്തനങ്ങള് ആരംഭിച്ചത്. കോണ്ക്രീറ്റ് ഉപയോഗിച്ചാണ് കുഴി അടച്ചത്. സ്ഥലത്തെത്തിയ എംഎല്എ മാത്യു കുഴല്നാടന്റേയും, വിവിധ വകുപ്പുകളിലെ ഉന്നത ഉദ്യോഗസ്ഥരുടെയും നേതൃത്വത്തിലാണ് പ്രവര്ത്തനങ്ങള് നടന്നത്.
മൂവാറ്റുപുഴ കച്ചേരിത്താഴത്തെ കുഴി അടച്ചു
ബിഎസ്എന്എല് കേബിളുകള് കടന്നു പോകുന്ന കോണ്ക്രീറ്റ് ചേമ്പര് മണ്ണിലേക്ക് ഇരുന്ന് പോയതാണ് കുഴി രൂപപ്പെടുവാന് ഉണ്ടായ കാരണമെന്നാണ് വിലയിരുത്തല്. കുഴി രൂപപ്പെട്ടതിനെ തുടര്ന്ന് വലിയ പാലത്തില് കൂടി ഉള്ള ഗതാഗതം പൂര്ണ്ണമായും തടസപ്പെട്ടിരിക്കുകയാണ്. പഴയ പാലത്തില് കൂടി ഒരു വശത്തേയ്ക്ക് മാത്രമാണ് വാഹനങ്ങള് കടത്തി വിട്ടിരുന്നത്.
Be the first to comment