ജിയോ സിനിമയും ഡിസ്നി + ഹോട്ട്സ്റ്റാറും സംയോജിപ്പിച്ച് സൃഷ്ടിച്ച പുതിയ സ്ട്രീമിംഗ് പ്ലാറ്റ്ഫോമായ ജിയോ ഹോട്ട്സ്റ്റാര്‍ പ്രവര്‍ത്തനമാരംഭിച്ചു. പുതുതായി സൃഷ്ടിച്ച പ്ലാറ്റ്ഫോം രണ്ട് ഒടിടി പ്ലാറ്റ്ഫോമുകളുടെയും മുഴുവന്‍ ഉള്ളടക്ക ലൈബ്രറിയും ഉപഭോക്താക്കള്‍ക്ക് ലഭ്യമാക്കും. രണ്ട് ലയന സ്ഥാപനങ്ങളില്‍ നിന്നുള്ള ഷോകള്‍ക്കും സിനിമകള്‍ക്കും പുറമേ, വിവിധ അന്താരാഷ്ട്ര സ്റ്റുഡിയോകളില്‍ നിന്നും സ്ട്രീമിംഗ് പ്ലാറ്റ്ഫോമുകളില്‍ നിന്നുമുള്ള ഉള്ളടക്കവും പ്ലാറ്റ്ഫോം ഹോസ്റ്റ് ചെയ്യും. സ്ട്രീമിംഗ് സേവനത്തിനായി സൗജന്യ ശ്രേണിയും പ്രഖ്യാപിച്ചിട്ടുണ്ട്. വിയകോം 18 ഉം സ്റ്റാര്‍ ഇന്ത്യയും വിജയകരമായി ലയിച്ചതിന് ശേഷം 2024 നവംബറിലാണ് ജിയോസ്റ്റാര്‍ സംയുക്ത സംരംഭത്തിനായി പ്രവര്‍ത്തനം ആരംഭിച്ചത്.
പുതിയ പ്ലാറ്റ്ഫോമില്‍ ഏകദേശം 300,000 മണിക്കൂര്‍ ഉള്ളടക്കവും തത്സമയ സ്പോര്‍ട്സ് കവറേജും ഉണ്ടായിരിക്കുമെന്ന് കമ്പനി അറിയിച്ചു. രണ്ട് പ്ലാറ്റ്ഫോമുകളിലെയും ഉപയോക്താക്കളെ സംയോജിപ്പിക്കുന്നതിലൂടെ പുതിയ പ്ലാറ്റ്ഫോമിന് മൊത്തം 50 കോടിയിലധികം ഉപയോക്താക്കളുണ്ടാകും. ജിയോസിനിമയുടെയും ഡിസ്നി+ ഹോട്ട്സ്റ്റാറിന്റെയും നിലവിലുള്ള വരിക്കാര്‍ പുതിയ പ്ലാറ്റ്ഫോമിലേക്ക് സ്വയമേവ മാറും. ആദ്യമായി ലോഗിന്‍ ചെയ്യുമ്പോള്‍ തന്നെ ഈ ഉപയോക്താക്കള്‍ക്ക് അവരുടെ ജിയോഹോട്ട്സ്റ്റാര്‍ സബ്സ്‌ക്രിപ്ഷനുകള്‍ സജ്ജീകരിക്കാന്‍ കഴിയുമെന്ന് കമ്പനി അറിയിച്ചു. പുതിയ വരിക്കാര്‍ക്ക് 149 രൂപ മുതല്‍ ആരംഭിക്കുന്ന പ്ലാറ്റ്ഫോമിന്റെ പുതിയ പ്ലാനുകള്‍ സ്വീകരിക്കാന്‍ ചെയ്യാന്‍ കഴിയും.
ജിയോഹോട്ട്സ്റ്റാറില്‍ 10 ഇന്ത്യന്‍ ഭാഷകളിലായി വിവിധ വിഭാഗങ്ങളിലും ഉള്ളടക്ക ഫോര്‍മാറ്റുകളിലുമായി ഉള്ളടക്കം അവതരിപ്പിക്കും. കാഴ്ചക്കാര്‍ക്ക് സിനിമകള്‍, ഷോകള്‍, ആനിമേഷന്‍, ഡോക്യുമെന്ററികള്‍, തത്സമയ കായിക പരിപാടികള്‍ എന്നിവയും മറ്റും കാണാന്‍ കഴിയും. അന്താരാഷ്ട്ര പ്രീമിയറുകള്‍ പ്ലാറ്റ്ഫോമില്‍ പ്രദര്‍ശിപ്പിക്കുമെന്നും കമ്പനി അറിയിച്ചു. കൂടാതെ, ഡിസ്നി, എന്‍ബിസി യൂണിവേഴ്സല്‍ പീക്കോക്ക്, വാര്‍ണര്‍ ബ്രദേഴ്സ്, ഡിസ്‌കവറി എച്ച്ബിഒ, പാരാമൗണ്ട് എന്നിവയില്‍ നിന്നുള്ള ഉള്ളടക്കങ്ങളും ജിയോഹോട്ട്സ്റ്റാറില്‍ ഉള്‍പ്പെടുത്തും.
Be the first to comment