![Famous Tamil film star Mailsamy passed away](https://www.yenztimes.com/wp-content/uploads/2023/02/mailswamy-678x381.jpg)
പ്രശസ്ത തമിഴ് ചലച്ചിത്ര താരം മയില്സാമി (57) അന്തരിച്ചു. നിരവധി തമിഴ് സിനിമകളിൽ കോമഡി വേഷങ്ങളിലും സ്വഭാവ വേഷങ്ങളിലും അഭിനയിച്ചിട്ടുണ്ട്. ഹൃദയാഘാതത്തെ തുടര്ന്ന് ഇന്ന് രാവിലെയായിരുന്നു മരണം. നാല് പതിറ്റാണ്ട് നീളുന്ന അഭിനയ ജീവിതത്തില് എണ്ണമറ്റ കഥാപാത്രങ്ങളായി പ്രേക്ഷകരുടെ കൈയടി നേടിയ നടനാണ് മയില്സാമി.
കെ ഭാഗ്യരാജിന്റെ സംവിധാനത്തില് 1984 ല് പുറത്തെത്തിയ ധവനി കനവുകള് എന്ന ചിത്രത്തിലൂടെയാണ് മയില്സാമിയുടെ സിനിമാ അരങ്ങേറ്റം. ആ ചിത്രത്തില് ആള്ക്കൂട്ടത്തിലെ ഒരാള് മാത്രമായിരുന്നെങ്കിലും പിന്നീടുള്ള വര്ഷങ്ങളില് ശ്രദ്ധേയ കഥാപാത്രങ്ങള് അദ്ദേഹത്തെ തേടിയെത്തി. ദൂള്, വസീഗര, ഗില്ലി, ഗിരി, ഉത്തമപുത്രന്, വീരം, കാഞ്ചന, കണ്കളെ കൈത് സെയ് തുടങ്ങിയവയാണ് അഭിനയിച്ചവയില് ഏറ്റവും ശ്രദ്ധേയ ചിത്രങ്ങള്. ഇതില് കണ്കളെ കൈത് സെയ് എന്ന ചിത്രത്തിലെ അഭിനയത്തിന് തമിഴ് സര്ക്കാരിന്റെ മികച്ച കൊമേഡിയനുള്ള പുരസ്കാരം ലഭിച്ചു.
2000 മുതല് ഇങ്ങോട്ട് തമിഴ് സിനിമയുടെ അവിഭാജ്യ ഘടകമാണ് മയില്സാമി. നെഞ്ചുക്കു നീതി, വീട്ല വിശേഷം, ദി ലെജന്ഡ് തുടങ്ങിയവയാണ് അടുത്തിടെ അദ്ദേഹത്തിന്റേതായി പുറത്തെത്തിയ ചിത്രങ്ങള്.
Be the first to comment