ഫുട്ബോളിൽ കേരളത്തിന് അഭിമാനം വാനോളം ഉയർത്തിയ കളിക്കാരനും പരിശീലകനുമായിരുന്ന ടി കെ ചാത്തുണ്ണി അന്തരിച്ചു. സന്തോഷ് ട്രോഫി താരമായി രാജ്യം തിരിച്ചറിഞ്ഞ താരമാണ് ചാത്തുണ്ണി . അര്‍ബുദ ബാധിതനായി എറണാകുളം അങ്കമാലിയിലെ സ്വകാര്യ ആശുപത്രിയിൽ ചികിത്സയിലിരിക്കെ ബുധനാഴ്ച പുലർച്ചെയായായിരുന്നു അന്ത്യം.
മോഹന്‍ ബഗാന്‍, എഫ്‌സി കൊച്ചിന്‍ അടക്കം നിരവധി ടീമുകളെ പരിശീലിപ്പിച്ച ടി കെ ചാത്തുണ്ണി സന്തോഷ് ട്രോഫിയിൽ കേരളം, ഗോവ എന്നീ ടീമുകൾക്കായി ബൂട്ടണിഞ്ഞിട്ടുണ്ട്. കളിക്കാരനായും പരിശീലകനായും നാലു പതിറ്റാണ്ട് കളത്തില്‍ സജീവമായിരുന്നു. മോഹന്‍ ബഗാന്‍, എഫ്‌സി കൊച്ചിന്‍, ഡെംപോ ഗോവ തുടങ്ങിയ ടീമുകളെ പരിശീലിപ്പിച്ചിട്ടുണ്ട്.
‘ഫുട്ബോൾ മൈ സോൾ’ എന്ന പുസ്തകം രചിച്ചിട്ടുണ്ട്. കളിക്കാരനെന്ന നിലയിൽ തനിക്ക് നേടിയെടുക്കാൻ കഴിയാതെ പോയ നേട്ടങ്ങളെ തേടിപ്പിടിക്കാൻ വേണ്ടി നടത്തിയ പോരാട്ടമായിരുന്നു ചാത്തുണ്ണിയുടെ പരിശീലന ജീവിതം.
Be the first to comment