![Former MLA Nabisa Ummal passed away](https://www.yenztimes.com/wp-content/uploads/2023/05/Former-MLA-Nabisa-Ummal-passed-away-678x381.jpg)
തിരുവനന്തപുരം: മുൻ എംഎൽഎയും കോളജ് അധ്യാപികയുമായിരുന്ന പ്രൊഫ. എ നബീസ ഉമ്മാൾ (91) അന്തരിച്ചു. വാർധക്യ സഹജമായ അസുഖങ്ങളാൽ ചികിത്സയിലിരിക്കെ തിരുവനന്തപുരം നെടുമങ്ങാട്ടുള്ള വസതിയിൽ വച്ചായിരുന്നു അന്ത്യം. 1987 ൽ നടന്ന നിയമസഭ തിരഞ്ഞെടുപ്പിൽ സിപിഐഎം സ്വതന്ത്ര സ്ഥാനാർത്ഥിയായി കഴക്കൂട്ടം മണ്ഡലത്തിൽ നിന്ന് മത്സരിച്ച് വിജയിച്ചു. 1991ലെ തിരഞ്ഞെടുപ്പിൽ കഴക്കൂട്ടത്തുനിന്നും എം വി രാഘവനോട് 689 വോട്ടുകൾക്ക് പരാജയപ്പെട്ടു. 1995ൽ നെടുമങ്ങാട് നഗരസഭ ചെയർപേഴ്സണായിരുന്നു.
മലയാളത്തിൽ ബിരുദാനന്തര ബിരുദം നേടിയ ആദ്യ മുസ്ലീം പെൺകുട്ടിയായിരുന്നു. 33 വര്ഷത്തെ അധ്യാപനത്തിനിടയില് കേരളത്തിലെ നിരവധി കോളജുകളില് അധ്യാപികയായി പ്രവര്ത്തിച്ചിരുന്നു. 1986ല് തിരുവനന്തപുരം യൂണിവേഴ്സിറ്റി കോളജില് പ്രിന്സിപ്പലായിരിക്കെയാണ് സര്വീസില് നിന്നും വിരമിച്ചത്. എ ആര് രാജരാജവര്മക്കുശേഷം യൂണിവേഴ്സിറ്റി കോളജില് വകുപ്പ് അധ്യക്ഷയും പ്രിന്സിപ്പലുമാകുന്ന ആദ്യ മലയാള പണ്ഡിത കൂടിയായിരുന്നു നബീസ ഉമ്മാള്.
Be the first to comment