രാജ്യത്തെയും പാർട്ടിയെയും ഒന്നിപ്പിക്കാനായി നേതൃത്വം പുതുതലമുറയ്ക്ക് കൈമാറുന്നു; തിരഞ്ഞെടുപ്പ് പിന്മാറ്റത്തിൽ വിശദീകരണവുമായി ബൈഡൻ

അമേരിക്കൻ ജനാധിപത്യത്തെ സംരക്ഷിക്കാൻ നമ്മൾ ഒന്നിക്കേണ്ടതുണ്ട്. ഈ നിർണായക ശ്രമത്തിൽ എൻ്റെ പാർട്ടിയെ ഒന്നിപ്പിക്കേണ്ടതുണ്ടെന്ന് എനിക്ക് വ്യക്തമായി. പ്രസിഡൻ്റ് എന്ന നിലയിലുള്ള എൻ്റെ റെക്കോർഡ്, ലോകത്തിന് മുന്നിലെ എന്റെ നേതൃത്വം, ഒപ്പം അമേരിക്കയുടെ ഭാവിയെക്കുറിച്ചുള്ള എൻ്റെ കാഴ്ചപ്പാട് ഇതെല്ലം എന്നെ രണ്ടാമതൊരു അവസരത്തിന് അർഹനക്കുന്നു. പക്ഷേ നമ്മുടെ ജനാധിപത്യത്തെ സംരക്ഷിക്കുന്നതിൽ യാതൊന്നും തടസമാകില്ല. അമേരിക്കൻ ജനതയ്ക്ക് വേണ്ടി പ്രവർത്തിക്കുന്നതിൽ ഞാൻ ശക്തി നേടുകയും സന്തോഷം കണ്ടെത്തുകയും ചെയ്യുന്നു. ” ബൈഡൻ കൂട്ടിച്ചേർത്തു.

പ്രസംഗത്തിൽ ട്രംപിനെ നേരിടാൻ കമല ഹാരിസ് ശക്തയും പ്രാപ്തിയുമായ സ്ഥാനാർത്ഥിയാണെന്ന് ബൈഡൻ പ്രസംഗത്തിൽ സൂചിപ്പിച്ചു. ” കമല അനുഭവ പരിചയം ഉള്ളയാളാണ്. ശക്തയാണ്, കഴിവുള്ളവളാണ്. എനിക്ക് അവിശ്വസനീയമായ പങ്കാളിയും നമ്മുടെ രാജ്യത്തിൻ്റെ നേതാവുമായിരുന്നു. ഇനി കമലയെ തിരഞ്ഞെടുക്കേണ്ടത് അമേരിക്കൻ ജനതയാണ്,” അദ്ദേഹം പറഞ്ഞു.

അമേരിക്കൻ തിരഞ്ഞെടുപ്പിൽ ഡെമോക്രാറ്റിക്‌ പ്രസിഡന്റ് സ്ഥാനാർഥിയായിരുന്ന ബൈഡൻ പാർട്ടിയിൽ നിന്ന് തന്നെയുള്ള ശക്തമായ സമ്മർദ്ദങ്ങൾക്കൊടുവിലാണ് തിരഞ്ഞെടുപ്പിന് നാല് മാസം മാത്രം അവശേഷിക്കെ സ്ഥാനാർഥിത്വത്തിൽ നിന്ന് പിന്മാറിയത്. ബാരാക് ഒബാമ, നാൻസി പെലോസി തുടങ്ങിയ മുതിർന്ന നേതാക്കൾ അടക്കം ബൈഡൻ പിന്മാറണമെന്ന് ആവശ്യം മുന്നോട്ട് വെച്ചിരുന്നു.