കോവിഡ് ഭീതിയുടെ പശ്ചാത്തലത്തില്‍ ജനുവരി 1 മുതല്‍ ആറ് രാജ്യങ്ങളില്‍ നിന്നെത്തുന്നവര്‍ക്ക് ആര്‍ടിപിസിആര്‍ ടെസ്റ്റ് (RT-PCR test) നിര്‍ബന്ധമാക്കി ഇന്ത്യ. ചൈന, ഹോങ്കോങ്, ജപ്പാന്‍, ദക്ഷിണ കൊറിയ, സിംഗപ്പൂര്‍, തായ്ലന്‍ഡ് എന്നിവിടങ്ങളില്‍ നിന്നുള്ള യാത്രക്കാര്‍ക്കാണ് ടെസ്റ്റ് നിര്‍ബന്ധമാക്കിയിരിക്കുന്നത്. ഈ രാജ്യങ്ങളില്‍ നിന്നുളള യാത്രക്കാര്‍ യാത്രയ്ക്ക് മുമ്പ് എയര്‍ സുവിധ പോര്‍ട്ടലില്‍ അവരുടെ റിപ്പോര്‍ട്ടുകള്‍ അപ്ലോഡ് ചെയ്യണം. ഇന്ത്യയിലേക്കുള്ള യാത്രയ്ക്ക്, 72 മണിക്കൂറിനുളളിലാകണം പരിശോധനകള്‍ നടത്തേണ്ടതെന്നും ആരോഗ്യമന്ത്രി മന്‍സുഖ് മാണ്ഡവ്യ പറഞ്ഞു.
ചൈനയിലും കിഴക്കന്‍ ഏഷ്യന്‍ രാജ്യങ്ങളിലും കൊവിഡ്-19 കേസുകള്‍ വര്‍ധിക്കുന്ന സാഹചര്യത്തിലാണ് നടപടി. അന്താരാഷ്ട്ര യാത്രക്കാരില്‍ രണ്ട് ശതമാനം പേരില്‍ റാന്‍ഡം ടെസ്റ്റുകള്‍ നടത്തുന്നതിന് പുറമേയാണ് ഈ നീക്കമെന്നും മന്ത്രി പറഞ്ഞു.
RT-PCR test has been made mandatory for flyers coming from China, Hong Kong, Japan, South Korea, Singapore and Thailand from 1st January 2023. They will have to upload their reports on the Air Suvidha portal before travel.
— Dr Mansukh Mandaviya (@mansukhmandviya) December 29, 2022
Be the first to comment