അതിരമ്പുഴ: അന്ധവിശ്വാസങ്ങൾക്കും അനാചാരങ്ങൾക്കും വർദ്ധിച്ചു വരുന്ന ലഹരി ഉപയോഗത്തിനുമെതിരെ കേരള സംസ്ഥാന ലൈബ്രറി കൗൺസിൽ സംഘടിപ്പിക്കുന്ന ജനചേതന യാത്രയുടെ മുന്നോടിയായി വിളംബര ജാഥ നടത്തി. കോട്ടയ്ക്കുപുറം ഗ്രാമോദ്ധാരണ വായനശാലയിൽ അതിരമ്പുഴ ഗ്രാമപഞ്ചായത്ത് പ്രസിഡൻറ് സജി തടത്തിൽ ഉദ്ഘാടനം ചെയ്തു.ജാഥ മാനേജർ കെ എം മാത്യു അദ്ധ്യക്ഷനായിരുന്നു.
ജാഥ ക്യാപ്റ്റനും താലൂക്ക് ലൈബ്രറി കൗൺസിൽ ജോയിൻ്റ് സെക്രട്ടറിയുമായ ഷൈജു തെക്കുംചേരി, ലൈബ്രറി സെക്രട്ടറി ജോർജ് കുഴിപ്പള്ളിത്തറ, എന്നിവർ പ്രസംഗിച്ചു. അതിരമ്പുഴ, നീണ്ടൂർ ഗ്രാമപഞ്ചായത്തുകളിലെ ഗ്രന്ഥശാലകളിൽ പര്യടനം നടത്തി. തെള്ളകം ജനത ഗ്രന്ഥശാലയിൽ ജാഥ സമാപിച്ചു. സമാപന സമ്മേളനം ഡോ.ജോബിൻ ജോസ് ഉത്ഘാടനം ചെയ്തു.ജോസ് കെ പീറ്റർ അദ്ധ്യക്ഷനായിരുന്നു. കെ ജെ ജയിംസ്, കെ ടി ഗോപി, ശശി കല്ലുവേലിൽ, സോജിൻ ജോർജ്, ജോസഫ്, യു കെ ഷാജി, ബിപിൻ കുമാർ, തോമസ് വി എസ്, എൻ എസ് മാത്യു എന്നിവർ പ്രസംഗിച്ചു.
Be the first to comment