ഓഷ്യൻ പ്ലാസ്റ്റിക് ഉപയോഗിച്ച് കാർ ആക്സസറികൾ; വീണ്ടും ഞെട്ടിച്ച് കിയ

സമുദ്രത്തിൽ നിന്ന് വേർ‌തിരിച്ചെടുക്കുന്ന പ്ലാസ്റ്റിക് ഉപയോ​ഗിച്ച് ലോകത്ത് ആദ്യമായി കാർ ആക്സസറികൾ നിർമ്മിച്ച് കിയ. കിയയും ദി ഓഷ്യൻ ക്ലീനപ്പും തമ്മിലുള്ള പങ്കാളിത്തത്തിൻ്റെ ഭാഗമായിട്ടാണ് ഈ പുതിയ സംരംഭം. കിയ ഇവി3 -യ്ക്ക് വേണ്ടി ഓഷ്യൻ പ്ലാസ്റ്റിക് ഉപയോഗിച്ച് നിർമ്മിച്ച കിയ ലിമിറ്റഡ് എഡിഷൻ ട്രങ്ക് ലൈനർ അവതരിപ്പിക്കുമെന്നാണ് ഇപ്പോൾ അറിയിച്ചിരിക്കുന്നത്. ഇവി3യിൽ മാത്രമല്ല ഇതുപോലെ റിസൈക്കിൾ പ്ലസ്റ്റിക് കിയ ഉപോയ​ഗിച്ചിരിക്കുന്നത്.

ഇവി6ലും ഇവി9ലും ഇത്തരത്തിൽ റീസൈക്കിൾ‌ പ്ലാസ്റ്റിക് കിയ ഉപയോ​ഗിച്ചിട്ടുണ്ട്. 2030-ഓടെ വാഹനങ്ങളിലെ റീസൈക്കിൾ ചെയ്ത പ്ലാസ്റ്റിക്കിൻ്റെ അനുപാതം 20 ശതമാനമായി ആയി വർധിപ്പിക്കാനാണ് കിയ ലക്ഷ്യമിടുന്നത്. EV9 ൻ്റെ ഫ്ലോറിൽ റീസൈക്കിൾ ചെയ്ത ഫിഷ്‌നെറ്റുകൾ ഉൾപ്പെടുത്തിയിട്ടുണ്ട്. ഇതേ മോഡലിൽ സീറ്റിലും പ്ലാസ്റ്റിക് കുപ്പി റീസൈക്കിൾ ചെയ്താണ് ഉപയോ​ഗിച്ചിരിക്കുന്നത്.