ഇടുക്കി: ഇടുക്കി നെടുങ്കണ്ടത്ത് ഉരുൾപൊട്ടൽ. നെടുങ്കണ്ടം പച്ചടിയിലെ കൃഷിയിടത്തിലാണ് ഉരുൾപൊട്ടലുണ്ടായത്. ആളപായമില്ല. ഒരേക്കറോളം കൃഷി നശിച്ചു. പുലർച്ചെയായിരുന്നു സംഭവം. ആൾതാമസമില്ലാത്ത സ്ഥലത്തായിരുന്നു ഉരുൾപൊട്ടലുണ്ടായത്. ഏക്കറുകണക്കിന് കൃഷിസ്ഥലം മാത്രമുള്ള സ്ഥലമാണ്.
രാവിലെ മാത്രമാണ് ഉരുൾപൊട്ടലുണ്ടായ വിവരം നാട്ടുകാർ അറിഞ്ഞത്. കല്ലും മണ്ണും ചെളിയും ആൾതാമസമുള്ള സ്ഥലത്തേക്ക് ഒഴുകിയെത്തിയതോടെയാണ് ഉരുൾപൊട്ടലുണ്ടായത് കണ്ടെത്തിയത്. പ്രദേശത്ത് ഇന്നലെ ശക്തമായ മഴയുണ്ടായിരുന്നു. ഇന്നും കനത്ത മഴയുണ്ടായാൽ മണ്ണിടിച്ചിൽ സാധ്യതയേറെയാണെന്നും നാട്ടുകാർ പറയുന്നു.
Be the first to comment