മമ്മൂട്ടി കമ്പനി നിർമ്മിക്കുന്ന അഞ്ചാമത്തെ ചിത്രത്തിന്റെ ടൈറ്റിൽ അനൗൺസ്‌മെന്റ് ഒക്ടോബർ 24ന്. ചൊവ്വാഴ്ച രാവിലെ എട്ട് മണിക്ക് ചിത്രത്തിന്റെ അനൗൺസ്‌മെന്റ് ഉണ്ടാകുമെന്ന് മമ്മൂട്ടി തന്നെയാണ് സോഷ്യൽ മീഡിയയിലൂടെ അറിയിച്ചത്. ചിത്രത്തിന്റെ മറ്റു വിവരങ്ങൾ പുറത്തു വിട്ടിട്ടില്ല.
നൻപകൽ നേരത്ത് മയക്കം, റോഷാക്ക്, കാതൽ, കണ്ണൂർ സ്‌ക്വാഡ് എന്നീ ചിത്രങ്ങളാണ് മമ്മൂട്ടി കമ്പനി ഇതുവരെ നിർമിച്ചത്. മമ്മൂട്ടിയും ജ്യോതികയും പ്രധാന വേഷത്തിലെത്തുന്ന കാതൽ ഐ.എഫ്.എഫ്.കെയിൽ പ്രദർശിപ്പിക്കുന്നുണ്ട്. ജിയോ ബേബിയാണ് സംവിധാനം.
അതേസമയം റോബി വർഗീസ് രാജ് സംവിധാനം ചെയ്ത് കണ്ണൂർ സ്‌ക്വാഡ് മികച്ച പ്രേക്ഷക പ്രതികരണം നേടിക്കൊണ്ട് ബോക്‌സോഫീസിൽ കുതിക്കുകയാണ്. ഇതുവരെ 75 കോടിയിലധികം രൂപ ചിത്രം നേടിയിട്ടുണ്ട്.
Be the first to comment