രാജ്യത്തെ വാഹനലോകം ഏറെ പ്രതീക്ഷയോടെ കാത്തിരിക്കുന്ന ഒന്നാണ് മാരുതി ജിംനി 5 ഡോർ എസ്‌യുവി. നിലവിൽ കമ്പനി ബുക്കിംഗ് ആരംഭിച്ചിട്ടുണ്ട്. ഏതെങ്കിലും അംഗീകൃത നെക്സ ഡീലർഷിപ്പിൽ അല്ലെങ്കിൽ കമ്പനിയുടെ ഔദ്യോഗിക വെബ്സൈറ്റിൽ ഓൺലൈനായി ബുക്ക് ചെയ്യാം. 2023 മെയ് മാസത്തിൽ വിൽപ്പനയ്‌ക്കെത്തും എന്ന് കമ്പനി പറയുന്നു.
ജിംനി 5 ഡോർ മോഡലിൽ സെറ്റ, ആൽഫ എന്നീ രണ്ട് വേരിയന്റുകളിൽ വരുമെന്ന് കാർ നിർമ്മാതാവ് സ്ഥിരീകരിച്ചു . 5-സ്പീഡ് മാനുവൽ അല്ലെങ്കിൽ 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സുമായി ജോടിയാക്കിയ 1.5L K15B പെട്രോൾ എഞ്ചിനാണ് എസ്‌യുവിക്ക് കരുത്ത് പകരുന്നത്. മൈൽഡ് ഹൈബ്രിഡ് സാങ്കേതികവിദ്യ ഉപയോഗിച്ച് ബൂസ്റ്റ് ചെയ്തിരിക്കുന്ന മോട്ടോർ 105 bhp കരുത്തും 134 Nm torque ഉം ഉത്പാദിപ്പിക്കുന്നു. പുതിയ മാരുതി എസ്‌യുവി സുസുക്കിയുടെ ഓള്‍ഗ്രിപ്പ് പ്രോ 4WD സിസ്റ്റവും മാനുവൽ ട്രാൻസ്‌ഫർ കെയ്‌സും 2WD-ഹൈ, 4WD-ഹൈ, 4WD-ലോ ലോ റേഞ്ച് ഗിയർബോക്‌സും സഹിതമാണ് വരുന്നത്.
ഓഫ്-റോഡ് കഴിവുകൾ കൂടുതൽ മെച്ചപ്പെടുത്തുന്നതിനായി, പുതിയ മാരുതി ജിംനിയിൽ 3-ലിങ്ക് റിജിഡ് ആക്‌സിൽ സസ്പെൻഷനും, ഇലക്ട്രോണിക് ട്രാക്ഷൻ കൺട്രോൾ സിസ്റ്റവും സജ്ജീകരിച്ചിരിക്കുന്നു. എസ്‌യുവിക്ക് 36 ഡിഗ്രി അപ്രോച്ച് ആംഗിളും 24 ഡിഗ്രി ബ്രേക്ക് ഓവർ ആംഗിളും 50 ഡിഗ്രി ഡിപ്പാർച്ചർ ആംഗിളും ഒപ്പം 210 എംഎം ഗ്രൗണ്ട് ക്ലിയറൻസുമുണ്ട്. ബ്രേക്ക് ലിമിറ്റഡ് സ്ലിപ്പ് ഡിഫറൻഷ്യൽ, ഹിൽ ഹോൾഡ് അസിസ്റ്റ്, ഹിൽ ഡിസന്റ് കൺട്രോൾ എന്നിവയും ഇതിന് ലഭിക്കുന്നു.
സ്‍മാർട്ട്‌ഫോൺ കണക്റ്റിവിറ്റിയുള്ള ഒമ്പത് ഇഞ്ച് സ്‍മാര്‍ട്ട് പ്ലേ പ്രൊ പ്ലസ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ആര്‍ക്കീംസ് ട്യൂൺ ചെയ്ത പ്രീമിയം സൗണ്ട് സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ, ലെതർ പൊതിഞ്ഞ സ്റ്റിയറിംഗ് വീൽ, പവർ ORVM-കൾ, ക്രൂയിസ് കൺട്രോൾ, പുഷ് ബട്ടൺ എഞ്ചിൻ സ്റ്റാർട്ട്/സ്റ്റോപ്പ്, ഓട്ടോമാറ്റിക് ഹെഡ്‌ലാമ്പുകൾ, അലോയ് തുടങ്ങിയ സവിശേഷതകൾ. ഫോഗ് ലാമ്പുകൾ, ഇരുണ്ട പച്ച ഗ്ലാസ്, DRL-കളുള്ള LED ഹെഡ്‌ലാമ്പുകൾ, ബോഡി-കളർ സൈഡ് മിററുകൾ, ഹെഡ്‌ലാമ്പ് വാഷർ എന്നിവ ടോപ്പ്-എൻഡ് മോഡലായ ആൽഫ ട്രിമ്മിൽ മാത്രമാണുള്ളത്.
വിലയെ സംബന്ധിച്ചിടത്തോളം, പുതിയ മാരുതി ജിംനി 5-ഡോർ എസ്‌യുവിക്ക് അടിസ്ഥാന വേരിയന്റിന് ഏകദേശം 10 ലക്ഷം രൂപയും ഉയര്‍ന്ന പതിപ്പിന് 12.50 ലക്ഷം രൂപ വരെയും ചിലവ് പ്രതീക്ഷിക്കുന്നു.
Be the first to comment