തിരുവനന്തപുരം: പിഡബ്ല്യുസി ഡയറക്ടര് ജെയ്ക്ക് ബാലകുമാര് മുഖ്യമന്ത്രിയുടെ മകള് വീണ വിജയന്റെ മെന്റര് എന്ന ആരോപണത്തിലുറച്ച് പ്രതിപക്ഷം. വീണ വിജയനെതിരായ ആരോപണത്തില് കൂടുതല് വിവരങ്ങള് മാത്യു കുഴന്നാടന് എംഎല്എ ഇന്ന് പുറത്തുവിടും. പതിനൊന്ന് മണിക്കാണ് കെപിസിസിയില് വാര്ത്താസമ്മേളനം ഉണ്ടായിരിക്കുമെന്ന് അറിയിച്ചിട്ടുള്ളത്.
ജേക്ക് ബാലകുമാര് വീണ വിജയന്റെ എക്സാ ലോജിക് എന്ന കമ്പനിയില് പ്രവര്ത്തിച്ചിരുന്നുവെന്നും ഇദ്ദേഹം തന്റെ മെന്റര് ആണെന്ന് വീണ വിജയന് വെബ്സൈറ്റില് രേഖപ്പെടുത്തിയിരുന്നുവെന്നുമാണ് മാത്യു കുഴല്നാടന് നിയമസഭയില് പറഞ്ഞത്. വീണ വിജയന്റെ കമ്പനിക്ക് പ്രൈസ് വാട്ടേഴ്സ് ഹൗസ് കൂപ്പറുമായി ബന്ധം ഉണ്ടെന്നാണ് മാത്യു കുഴല്നാടന് ആരോപിച്ചത്.
താന് പറഞ്ഞതില് ഒരു വരിയോ അക്ഷരമോ പോലും പിന്വലിക്കാന് തയ്യാറല്ലെന്നും ആരോപണം തെളിയിക്കാനുള്ള ബാധ്യത ഏറ്റെടുക്കുന്നു എന്നുമാണ് മത്യു കുഴല്നാടന്റെ പ്രതികരണം. അതേസമയം മാത്യു കുഴല്നാടന്റെ ആരോപണം പച്ചക്കള്ളമെന്നായിരുന്നു മുഖ്യമന്ത്രിയുടെ മറുപടി. മറുപടിക്കിടെ മുഖ്യമന്ത്രി ക്ഷോഭിക്കുകയും ചെയ്തു.
Be the first to comment