ദില്ലി: ഇന്ത്യന് ക്രിക്കറ്റ് ഇതിഹാസം മിതാലി രാജ്(Mithali Raj) രാജ്യാന്തര ക്രിക്കറ്റിലെ എല്ലാ ഫോര്മാറ്റുകളില് നിന്നും വിരമിച്ചു. ഇന്ത്യന് വനിതകളുടെ ടെസ്റ്റ്- ഏകദിന ടീമുകളുടെ ക്യാപ്റ്റനായിരുന്നു. രാജ്യം കണ്ട എക്കാലത്തെയും മികച്ച വനിതാ ബാറ്ററായ മിതാലി രാജ് ഏകദിന ചരിത്രത്തിലെ ഉയര്ന്ന റണ്വേട്ടക്കാരി കൂടിയാണ്. 23 നീണ്ട കരിയറിന് 39-ാം വയസിലാണ് മിതാലി അവസാനമിടുന്നത്.എല്ലാവരുടേയും പിന്തുണയ്ക്ക് നന്ദിയറിയിക്കുന്നതായും ജീവിതത്തിലെ രണ്ടാം ഇന്നിംഗ്സിന് പിന്തുണയും ആശംസയും പ്രതീക്ഷിക്കുന്നതായും മിതാലി ട്വീറ്റ് ചെയ്തു. ഇന്ത്യന് ക്രിക്കറ്റ് കണ്ട ഏറ്റവും മികച്ച വനിതാ ബാറ്ററാണ് മിതാലി രാജ്. 1999ല് തന്റെ 16-ാം വയസില് ഏകദിന അരങ്ങേറ്റത്തില് പുറത്താകാതെ 114* റണ്സ് നേടിയാണ് മിതാലി രാജ്യാന്തര ക്രിക്കറ്റിലേക്ക് വരവറിയിച്ചത്. വനിതാ ടെസ്റ്റില് 12 മത്സരങ്ങളില് ഒരു സെഞ്ചുറിയും നാല് അര്ധ സെഞ്ചുറികളുമായി 699 റണ്സാണ് മിതാലിയുടെ നേട്ടം. അതേസമയം ഏകദിനത്തില് 232 മത്സരങ്ങളില് ഏഴ് സെഞ്ചുറികളും 64 ഫിഫ്റ്റികളുമായി 7805 റണ്സ് സ്വന്തമാക്കി. വനിതകളുടെ ഏകദിന ചരിത്രത്തിലെ ഉയര്ന്ന റണ്വേട്ടക്കാരി മിതാലി തന്നെ. വനിതാ ടി20യില് 89 മത്സരങ്ങളില് 17 അര്ധശതകങ്ങളോടെ 2364 റണ്സും പേരിലാക്കി. മിതാലിയുടെ ക്യാപ്റ്റന്സിയില് ഇന്ത്യ 2017 ലോകകപ്പില് ഫൈനലിലെത്തിയിരുന്നു.
Related Articles
![](https://www.yenztimes.com/wp-content/uploads/2024/03/gill-rohit-326x245.jpg)
ധരംശാല ടെസ്റ്റ്: രോഹിതിനും ഗില്ലിനും സെഞ്ചുറി
ധരംശാല ടെസ്റ്റില് ഇംഗ്ലണ്ടിനെതിരെ സെഞ്ചുറി നേടി നായകന് രോഹിത് ശർമയും യുവതാരം ശുഭ്മാന് ഗില്ലും. 154 പന്തുകളില് നിന്നായിരുന്നു ടെസ്റ്റ് കരിയറിലെ 12-ാം ശതകം രോഹിത് കുറിച്ചത്. 13 ഫോറും മൂന്ന് സിക്സും ഇന്നിങ്സില് ഉള്പ്പെട്ടു. 137 പന്തിലായിരുന്നു ഗില് മൂന്നക്കം തൊട്ടത്. 10 ഫോറും അഞ്ച് സിക്സുമായിരുന്നു […]
![](https://www.yenztimes.com/wp-content/uploads/2023/11/rohit-326x245.jpg)
ട്വന്റി 20 ലോക കപ്പ് ടീം; രാഹുൽ ദ്രാവിഡ്, അജിത് അഗാർക്കർ എന്നിവരുമായി സംസാരിച്ചെന്ന റിപ്പോർട്ടുകൾ തള്ളി രോഹിത് ശർമ്മ
മുംബൈ: ട്വന്റി 20 ലോകകപ്പിനുള്ള ടീം തിരഞ്ഞെടുപ്പിനായി രാഹുൽ ദ്രാവിഡ്, അജിത് അഗാർക്കർ എന്നിവരുമായി സംസാരിച്ചെന്ന റിപ്പോർട്ടുകൾ തള്ളി രോഹിത് ശർമ്മ. ഇന്ത്യൻ ക്രിക്കറ്റ് ആരാധകർ ഇത്തരത്തിലുള്ള വാദങ്ങൾ വിശ്വസിക്കരുതെന്ന് രോഹിത് ശർമ്മ ആവശ്യപ്പെട്ടു. ആദം ഗിൽക്രിസ്റ്റ്, മെെക്കൽ വോൺ എന്നിവരുമായുള്ള സംഭാഷണത്തിലാണ് ഇന്ത്യൻ നായകൻ്റെ വെളിപ്പെടുത്തൽ. അജിത് […]
![](https://www.yenztimes.com/wp-content/uploads/2024/02/jaiswal-1-326x245.jpg)
ഇന്ത്യന് യുവ താരം യശസ്വി ജയ്സ്വാളിന് ഐസിസി ടെസ്റ്റ് റാങ്കിങ്ങില് വന് കുതിപ്പ്
ന്യൂഡല്ഹി: ഇന്ത്യന് യുവ താരം യശസ്വി ജയ്സ്വാളിന് ഐസിസി ടെസ്റ്റ് റാങ്കിങ്ങില് വന് കുതിപ്പ്. ഏറ്റവും പുതിയ റാങ്കിങ്ങില് മൂന്ന് സ്ഥാനങ്ങള് ഉയര്ന്ന് 12-ാം സ്ഥാനത്താണ് ജയ്സ്വാള്. ഇതോടെ 13-ാം സ്ഥാനത്തുള്ള ഇന്ത്യന് ക്യാപ്റ്റന് രോഹിത് ശര്മ്മയെ മറികടന്നാണ് താരത്തിന്റെ കുതിപ്പ്. റാഞ്ചിയില് ഇംഗ്ലണ്ടിനെതിരെ നടന്ന നാലാം ടെസ്റ്റ് […]
Be the first to comment