2022-ൽ ഡയറക്ട് ഒടിടി റിലീസ് ആയെത്തിയ ‘ഒഡെല റെയിൽവേ സ്റ്റേഷൻ’ എന്ന തെലുങ്ക് ഹിറ്റ് ചിത്രത്തിൻ്റെ രണ്ടാം ഭാഗം വരുന്നു. സമ്പത് നന്ദിയുടെ രചനയിൽ അശോക് തേജ സംവിധാനം ചെയ്ത ഈ ക്രൈം ത്രില്ലർ ചിത്രത്തിന്റെ രണ്ടാം ഭാഗം അണിയറയിൽ ഒരുങ്ങുകയാണ്. ‘ഒഡെല 2’ എന്ന് പേരിട്ടിരിക്കുന്ന ചിത്രത്തിൽ തമന്ന ഭാട്ടിയ പ്രധാന കഥാപാത്രത്തെ അവതരിപ്പിക്കും. ചിത്രം മറ്റ് ഭാഷകളിലും റിലീസിനായി ഒരുങ്ങുകയാണ്.
മധു ക്രിയേഷൻസിന്റെയും സമ്പത് നന്ദി ടീം വർക്സിന്റെ ബാനറിൽ ഡി മധു, സമ്പത് നന്ദി ചേർന്ന് നിർമിക്കുന്ന ചിത്രം അശോക് തേജ സംവിധാനം ചെയ്യുന്നു. കാശിയിൽ ചിത്രത്തിന്റെ ഷൂട്ടിങ്ങ് വെള്ളിയാഴ്ച ആരംഭിക്കും. ദുഷ്ട ശക്തികളിൽ നിന്ന് ഗ്രാമത്തെരക്ഷിക്കുന്ന ഒഡെല മല്ലന സ്വാമി എന്ന രക്ഷകന്റെ കഥയാണ് സിനിമ സംസാരിക്കുന്നത്. ടൈറ്റിൽ പോസ്റ്റർ സോഷ്യൽ മീഡിയയിൽ ഒരുപാട് ചർച്ചകൾക്ക് വഴിവെച്ചിട്ടുണ്ട്.
ശിവ ഭഗവാന്റെ തൃശൂലം ആണ് പോസ്റ്ററിലുള്ളത്. ഹെബാ പട്ടെലും വശിഷ്ട എൻ സിംഹയുമാണ് ചിത്രത്തിലെ മറ്റ് പ്രധാന താരങ്ങൾ. മികച്ച ടെക്‌നീഷ്യൻസ് ഒഡെല 2ൽ ഭാഗമാകുന്നുണ്ട്. യുവ, നാഗ മഹേഷ്, വംശി, ഗഗൻ വിഹാരി, സുരേന്ദർ റെഡ്ഢി, ഭുപാൽ, പൂജ റെഡി എന്നിവരാണ് മറ്റ് താരങ്ങൾ. ക്യാമറ – സൗന്ദർ രാജൻ എസ്, മ്യൂസിക്ക് – അജനീഷ് ലോക്നാഥ്, ആർട്ട് ഡയറക്ടർ – രാജീവ് നായർ , പി.ആർ.ഒ – ശബരി.
Be the first to comment