ഇസ്ലാമാബാദ്: പാകിസ്ഥാനിൽ ഇന്ന് അർദ്ധരാത്രി മുതൽ പെട്രോൾ, പെട്രോളിയം ഉൽപ്പന്നങ്ങളുടെ വില ലിറ്ററിന് 30 രൂപ വർധിപ്പിച്ചതായി ധനമന്ത്രി മിഫ്താ ഇസ്മായിൽ വ്യാഴാഴ്ച അറിയിച്ചു. പ്രഖ്യാപനത്തിന് ശേഷം പെട്രോളിന് 179.86 രൂപയും ഡീസലിന് 174.15 രൂപയുമാണ് പുതിയ വില. പെട്രോൾ, ഹൈസ്പീഡ് ഡീസൽ, മണ്ണെണ്ണ, ലൈറ്റ് ഡീസൽ എണ്ണ എന്നിവയുടെ വില വെള്ളിയാഴ്ച മുതൽ ലിറ്ററിന് 30 രൂപ വർധിപ്പിച്ചതായി മന്ത്രി പറഞ്ഞു.പ്രധാനമന്ത്രി ഷെഹ്ബാസ് ഷെരീഫിന്റെ നേതൃത്വത്തിലുള്ള പാകിസ്ഥാൻ സർക്കാർ സാമ്പത്തിക രക്ഷാപ്രവർത്തനം സംബന്ധിച്ച് ഐഎംഎഫുമായി കരാറിലെത്താൻ പരാജയപ്പെട്ടതിന് തൊട്ടുപിന്നാലെയാണ് ഭീമാകാരമായ വിലവർദ്ധന.വർദ്ധനവിന് ശേഷം രാജ്യത്തിന്റെ കറൻസി ശക്തിപ്പെടുമെന്നും വരും ദിവസങ്ങളിൽ സാമ്പത്തിക വിപണി സ്ഥിരത കൈവരിക്കുമെന്നും അദ്ദേഹം പറഞ്ഞു.
പാക്കിസ്ഥാൻ സർക്കാർ പെട്രോൾ വില ലിറ്ററിന് 30 രൂപ കൂട്ടി, പുതിയ നിരക്ക് അർദ്ധരാത്രി മുതൽ പ്രാബല്യത്തിൽ
Be the first to comment