പാലാ:പാലാ സെൻ്റ് ജോസഫ് എഞ്ചിനീയറിംഗ് കോളേജിന് ഓട്ടോണമസ് പദവിയും നാക് എ ഗ്രേയ്ഡും ലഭിച്ചു. കോളജില് നടന്ന മെറിറ്റ് ഡേയില് കോളേജ് രക്ഷാധികാരി ബിഷപ് മാര് ജോസഫ് കല്ലറങ്ങാട്ടാണ് ഓട്ടോണോമസ് പദവി ലഭിച്ചകാര്യം അറിയിച്ചത്. നാക് അക്രഡിറ്റേഷനില് ആദ്യ സൈക്കിളില്ത്തന്നെ എ ഗ്രേയ്ഡ് ലഭിച്ച വിവരവും മാര് കല്ലറങ്ങാട്ട് വ്യക്തമാക്കി.
അക്കാദമിക മികവ് , ഉയര്ന്ന പ്ലെയ്സ്മെന്റ്, മികച്ച അടിസ്ഥാന സൗകര്യങ്ങള്, പ്രഗത്ഭരായ അധ്യാപകര്, ഉയര്ന്ന അധ്യാപക- വിദ്യാര്ത്ഥി അനുപാതം തുടങ്ങിയവ കൈവരിച്ചതുകൊണ്ടാണ് യുജിസി ഓട്ടോണമസ് പദവി നല്കിയത്. 22 വര്ഷത്തെ അക്കാദമിക മികവിനുള്ള നേര്സാക്ഷ്യം കൂടിയായി കോളേജിന് ലഭിച്ച ഇരട്ടനേട്ടം.
2002ല് ആരംഭിച്ച കോളേജില് ബിടെക് വിഭാഗത്തില് ഒന്പതും എംടെക്ക് വിഭാഗത്തില് നാലും പ്രോഗ്രാമുകളാണ് ഉള്ളത്. ബിടെക്കില് ആര്ട്ടിഫിഷ്യല് ഇന്റലിജന്സ് ആന്ഡ് ഡാറ്റ സയന്സ്, സിവില് എഞ്ചിനീയറിംഗ്, കമ്പ്യൂട്ടര് സയന്സ,് ആര്ട്ടിഫിഷ്യല് ഇന്റലിജന്സ്, സൈബര് സെക്യൂരിറ്റി, ഇലക്ട്രിക്കല് ആന്ഡ് ഇലക്ട്രോണിക്സ് എഞ്ചിനീയറിംഗ്, ഇലക്ട്രോണിക്സ് ആന്ഡ് കമ്യുണിക്കേഷന് എഞ്ചിനീയറിംഗ് , ഇലക്ട്രോണിക്സ് ആന്ഡ് കമ്പ്യൂട്ടര് എഞ്ചിനീയറിംഗ്, മെക്കാനിക്കല് എഞ്ചിനീയറിംഗ് എന്നിവയാണ് ഉള്ളത്.
എംടെക്കില് അഡ്വാന്സ്ഡ് മാനുഫാക്ച്ചറിംഗ് ആന്ഡ് പ്രൊഡക്ഷന് മാനേജ്മെന്റ്, കമ്പ്യൂട്ടര് സയന്സ്, സ്ട്രക്ചറല് എഞ്ചിനീയറിംഗ് ആന്ഡ് കണ്സ്ട്രക്ഷന് മാനേജ്മെന്റ്, വിഎല് എസ്ഐ ആന്ഡ് എംബെഡഡ്ഡ് സിസ്റ്റം എന്നിവയും ഉണ്ട്. വര്ക്കിംഗ് പ്രൊഫഷനലുകള്ക്കായി ആര്ട്ടിഫിഷ്യല് ഇന്റലിജന്സ് ആന്ഡ് ഡാറ്റ സയന്സ്, കമ്പ്യൂട്ടര് സയന്സ്, ഇലക്ട്രിക്കല് ആന്ഡ് ഇലക്രോണിക്സ് എഞ്ചിനീയറിംഗ്, എന്നിവയില് ബിടെക്കും കമ്പ്യൂട്ടര് സയന്സ്, സ്ട്രക്ചറല് എഞ്ചിനിയറിംഗ് ആന്ഡ് കണ്സ്ട്രക്ഷന് മാനേജ്മെന്റ് , വിഎല് എസ്ഐ ആന്ഡ് എംബെഡഡ്ഡ് സിസ്റ്റം എന്നിവയില് എംടെക്കും നല്കുന്നു.
കോളേജിലെ ആറു പ്രോഗ്രാമുകള്ക്ക് എഐസിറ്റിയില് നിന്ന് എന്ബിഎ അക്രഡിറ്റേഷന് ലഭിച്ചിട്ടുണ്ട്. ഇക്കഴിഞ്ഞ വര്ഷം 826 പ്ലേസ്മെന്റ് ഓഫറുകള് സെന്റ് ജോസഫിലെ അവസാനവര്ഷ വിദ്യാര്ത്ഥികള്ക്ക് നേടാനായി എന്നതും മികവിന്റെ മികച്ച ഉദാഹരണമാണ്. മെറിറ്റ് ഡേയില് കെല്ട്രോണ് എംഡി വൈസ് അഡ്മിറല് ശ്രീകുമാര് നായര് മുഖ്യാതിഥി ആയിരുന്നു. ചെയര്മാന് മോണ്. ജോസഫ് മലേപ്പറമ്പില്, ഡയറക്ടര് ഫാ. ജയിംസ് ജോണ് മംഗലത്ത്, മാനേജര് ഫാ. മാത്യു കോരംകുഴ, പ്രിന്സിപ്പല് ഡോ. വി.പി ദേവസ്യ , വൈസ് പ്രിന്സിപ്പല് ഡോ. മധുകുമാര് എസ്എന്നിവര് ചടങ്ങുകള്ക്ക് നേതൃത്വം നല്കി.
നീലൂർ : ഒളിമ്പിക്സ് 2024ന് ഐക്യദാർഢ്യം പ്രഖ്യാപിച്ചുകൊണ്ട് ദീപശിഖാ പ്രയാണം സംഘടിപ്പിച്ചു. നീലൂർ സെൻ്റ് ജോസഫ്സ് യു. പി. സ്കൂളിൽ, പ്രധാന അധ്യാപക ലിനിറ്റ തോമസിന്റെ നേതൃത്വത്തിലാണ് പ്രയാണം നടന്നത് കായിക അധ്യാപകൻ ജോബിസ് ജോസ് പ്രവർത്തനങ്ങൾ ഏകോപിപ്പിച്ചു. സ്റ്റാഫ് സെക്രട്ടറി റിനി കാതറിൻ ടോം ദീപശിഖ കുട്ടികൾക്ക് […]
പാലാ: മണലുങ്കൽ സെൻ്റ് അലോഷ്യസ് ഹൈസ്കൂളിലെ 2024-25 അധ്യയന വർഷത്തെ അധ്യാപക രക്ഷാകർതൃ സമ്മേളനവും സ്കൂൾ റേഡിയോ ഉദ്ഘാടനവും സംഘടിപ്പിച്ചു. പിറ്റിഎ പ്രസിഡൻ്റ് ഷാജൻ ജോസഫ് അദ്ധ്യക്ഷത വഹിച്ച യോഗം സ്കൂൾ മാനേജർ ഫാ. ജയിംസ് കുടിലിൽ ഉദ്ഘാടനം ചെയ്തു. പാലാ രൂപതാ വികാരി ജനറാൾ മോൺസിഞ്ഞോർ ഫാ. […]
കോട്ടയം: പാലാ-തൊടുപുഴ ബസ് മറിഞ്ഞു. ബെംഗളൂരുവിൽ നിന്ന് തിരുവല്ലയ്ക്ക് പോയ ബസ് ആണ് മറിഞ്ഞത്. കുറിഞ്ഞിയിൽ വളവ് തിരിയവേയാണ് ബസ് മറിഞ്ഞത്. ഉടൻ തന്നെ നാട്ടുകാരും പോലീസും ചേർന്ന് രക്ഷാപ്രവർത്തനം നടത്തി. അപകടത്തിൽ ഏഴുപേർക്ക് പരിക്കേറ്റു. ഇവരെ അടുത്തുള്ള സ്വകാര്യാശുപത്രിയിലേക്ക് മാറ്റി. ആരുടേയും പരിക്ക് ഗുരുതരമല്ല.
Be the first to comment