ഓസ്‌കാർ അവാർഡ് നേടിയ ‘പാരസൈറ്റ്’ എന്ന ചിത്രത്തിലെ പ്രധാന കഥാപാത്രത്തെ അവതരിപ്പിച്ച ദക്ഷിണ കൊറിയൻ ലീ സൺ-ക്യുണിനെ കാറിനുള്ളിൽ മരിച്ച നിലയിൽ കണ്ടെത്തി. സെൻട്രൽ സിയോളിലെ പാർക്കിൽ നിർത്തിയിട്ടിരുന്ന കാറിലാണ് ലീ സണ്ണിനെ ബുധനാഴ്ച രാവിലെ മരിച്ച നിലയിൽ കണ്ടെത്തിയത്. ലഹരി ഉപയോഗത്തിന്റെ പേരിൽ ലീ കുറച്ചു നാളുകളായി പൊലീസിന്റെ നിരീക്ഷണത്തിലായിരുന്നെന്നാണ് റിപ്പോർട്ട്.
ആത്മഹത്യയാണെന്നാണ് നിഗമനം. ലീ വീട്ടിൽ നിന്ന് പോയതിന് ശേഷം ഭാര്യ ആത്മഹത്യാ കുറിപ്പ് കണ്ടെത്തിയതായും പോലീസ് പറഞ്ഞു.
1975 ലാണ് ലീ സൺ-ക്യുൻ ജനിച്ചത്. ‘പാരസൈറ്റി’ൽ ധനികനായ പിതാവിന്റെ വേഷമാണ് അദ്ദേഹം അവതരിപ്പിച്ചത്. ‘ഹെൽപ്ലെസ്സ്’, ‘ഓൾ എബൗട്ട് മൈ വൈഫ്’ തുടങ്ങി നിരവധി ദക്ഷിണ കൊറിയൻ സിനിമകളിലും മറ്റ് നിരവധി ശ്രദ്ധേയമായ പ്രോജക്ടുകളിലും അദ്ദേഹം പ്രധാന വേഷങ്ങൾ ചെയ്തിട്ടുണ്ട്. ‘ഡോ ബ്രെയിൻ’ എന്ന പേരിൽ ആപ്പിൾ ടിവി‌യുടെ ആദ്യ കൊറിയൻ ഒറിജിനൽ സീരീസിന്റെ ഭാഗമായിരുന്നു ലീ.
Be the first to comment