ബോളിവുഡ് ബോക്സ് ഓഫീസില് ചരിത്രവിജയം നേടിയ ഷാരൂഖ് ഖാന് ചിത്രം പഠാന് അതിന്റെ ഒടിടി സ്ട്രീമിംഗ് ആരംഭിച്ചു. ആമസോണ് പ്രൈം വീഡിയോയില് ഇന്നലെ അര്ധരാത്രിയോടെ ചിത്രം പ്രദര്ശനം തുടങ്ങി.
ഇന്ത്യന് ബോക്സ് ഓഫീസില് നിന്ന് 500 കോടി ക്ലബ്ബിലും ആഗോള ബോക്സ് ഓഫീസില് നിന്ന് 1000 കോടി ക്ലബ്ബിലും ഇടംപിടിച്ച ചിത്രമാണ് പഠാന്. ബോളിവുഡിന്റെ സമീപകാല ചരിത്രത്തില് ഏറ്റവുമധികം റിപ്പീറ്റ് ഓഡിയന്സിനെ ലഭിച്ച ചിത്രവും. എന്നാല് തിയറ്ററുകളില് 50 ദിവസത്തിലേറെ പിന്നിട്ടതിനു ശേഷം ഒടിടിയില് എത്തിയപ്പോഴും പ്രേക്ഷകരുടെ ഭാഗത്തുനിന്ന് വലിയ സ്വീകരണമാണ് ചിത്രത്തിന് ലഭിക്കുന്നത്. #PathaanOnPrime എന്ന ഹാഷ് ടാഗ് ട്വിറ്ററില് ട്രെന്ഡിംഗ് ആയിട്ടുമുണ്ട്. നേരത്തെ റിപ്പോര്ട്ടുകള് എത്തിയിരുന്നത് പ്രകാരം തിയറ്റര് കട്ടില് ഇല്ലാതിരുന്ന ചില രംഗങ്ങള് കൂടി ഒടിടി പതിപ്പില് ഉള്പ്പെടുത്തിയിട്ടുണ്ട്.
Be the first to comment