![Petroleum products will not allow to carry in private vehicles](https://www.yenztimes.com/wp-content/uploads/2023/04/Petroleum-products-will-not-allow-to-carry-in-private-vehicles-678x381.jpg)
തിരുവനന്തപുരം: സംസ്ഥാനത്ത് ഇനി മുതൽ സ്വകാര്യ വാഹനങ്ങളിൽ പാചകവാതകം കൊണ്ടു പോകുന്നതിനും കുപ്പിയിൽ പെട്രോൾ വാങ്ങുന്നതിനും വിലക്ക്. ഇത് സംബന്ധിച്ച 2002 ലെ പട്രെോളിയം ആൻഡ് എക്സ്പ്ലോസീവ്സ് സേഫ്റ്റി ഓർഗനൈസേഷൻ (പെസോ) നിയമം കർശനമാക്കി. എലത്തൂർ ട്രെയിൻ തീവെപ്പിന് പിന്നാലെയാണ് നടപടി.
നിയമം കർശനമാകുന്നതോടെ വീടുകളിലേക്ക് എൽപിജി സിലിണ്ടറുകൾ സ്വന്തം വാഹനത്തിൽ കൊണ്ടുപോയാൽ പോലും നടപടികളുണ്ടാകാം. വാഹനത്തിലെ ഇന്ധനം തീർന്നു വഴിയിൽ കിടന്നാൽ പോലും കുപ്പിയുമായി ചെന്നാൽ പമ്പുകളിൽനിന്ന് ഇനി ഇന്ധനം ലഭിക്കില്ല. യാത്രക്കാരുമായി വന്നു ബസുകൾ പമ്പിൽനിന്ന് ഇന്ധനം നിറയ്ക്കുന്ന രീതിയും അവസാനിക്കും.
ട്രെയിനുകളില് പാഴ്സലായി വാഹനം കൊണ്ടുപോകമ്പോള് അതില് ഇന്ധനം ഉണ്ടാവരുതെന്ന റെയില്വേ നിയമം നിലവിലുണ്ട്. പെട്രോള്, ഡീസല്, എല്പിജി ഉള്പ്പെടെയുളളവ ഏജന്സികളുടെ സുരക്ഷിത വാഹനങ്ങളും വിദഗ്ധ തൊഴിലാളികളുമില്ലാതെ കൊണ്ടുപോകാന് അനുവദിക്കില്ല. നിയമം ലംഘിച്ചാല് ലൈസന്സ് സസ്പെന്ഡ് ചെയ്യുമെന്ന് പെസോ അറിയിച്ചു. ഐഒസി, ബിപിഎല് ഉള്പ്പെടെയുളള പെട്രോളിയം സ്ഥാപനങ്ങള്ക്കും പെസോ നിര്ദേശം നല്കിയിട്ടുണ്ട്.
Be the first to comment