സംസ്ഥാനത്തെ ശക്തമായ മഴയ്ക്ക് ശമനം. എന്നാല്‍ ഒറ്റപ്പെട്ട സ്ഥലങ്ങളില്‍ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. ഒക്‌ടോബര്‍ 31 വരെ ഇത്തരത്തില്‍ ഒറ്റപ്പെട്ടയിടങ്ങളില്‍ മഴ തുടരും.
അറബിക്കടലിന് മുകളില്‍ സ്ഥിതി ചെയ്യുന്ന രണ്ട് ചക്രവാതച്ചുഴികളാണ് കേരളത്തിലെ ഒറ്റപ്പെട്ടയിടങ്ങളില്‍ മഴ തുടരാന്‍ കാരണം. ഒക്‌ടോബര്‍ 31 വരെ മഴ സാധ്യതയുള്ളതിനാല്‍ ജാഗ്രത പാലിക്കണമെന്ന് നിര്‍ദേശമുണ്ട്. ഇടിമിന്നലുണ്ടാകുമ്പോള്‍ സുരക്ഷിതമായ ഇടങ്ങളിലേക്ക് മാറാനും നിര്‍ദേശമുണ്ട്. ജാഗ്രത നിര്‍ദേശമുണ്ടെങ്കിലും സംസ്ഥാനത്തെ ഒരു ജില്ലയിലും പ്രത്യേക മഴ മുന്നറിയിപ്പുകളില്ല.
Be the first to comment