കോട്ടയം: താലൂക്കിലെ വിവിധ റേഷൻ കടകളിൽ ജില്ലാ കളക്ടർ പി കെ ജയശ്രീ പരിശോധന നടത്തി. ചുങ്കം, കുടയംപടി, ഇല്ലിക്കൽ എന്നിവിടങ്ങളിലെ റേഷൻ കടകളിലാണ് പരിശോധന നടത്തിയത്. റേഷൻ കടകളിലെ സ്‌റ്റോക്ക്, സാധനങ്ങളുടെ ഗുണമേന്മ, അളവു-തൂക്കം, ഗുണഭോക്താക്കൾക്ക് ഏർപ്പെടുത്തിയിട്ടുള്ള അടിസ്ഥാന സൗകര്യങ്ങൾ, രജിസ്റ്ററുകൾ, സാധനങ്ങൾ സൂക്ഷിക്കുന്ന രീതി എന്നിവ നേരിട്ടു പരിശോധിച്ചു.
റേഷൻ ഗുണഭോക്താക്കളിൽനിന്ന് അഭിപ്രായങ്ങൾ കളക്ടർ ചോദിച്ചറിഞ്ഞു. ജില്ലാ സപ്ലൈ ഓഫീസർ റ്റി.ജി. സത്യപാൽ, താലൂക്ക് സപ്ലൈ ഓഫീസർ ചിന്നമ്മ സാമുവൽ, റേഷനിംഗ് ഇൻസ്‌പെക്ടർമാരായ ജോമി ജോൺ, പി. ഷാജി, ആർ.എസ്. ഷിബു, വകുപ്പ് ജീവനക്കാരായ പി.ആർ. രാജീഷ്, ജില്ലാ പ്രോജക്റ്റ് മാനേജർ എബിൻ സെബാസ്റ്റിയൻ എന്നിവർ ഒപ്പമുണ്ടായിരുന്നു.
Be the first to comment