ജയ്‌പൂർ: മിസ് യൂണിവേഴ്‌സ് ഇന്ത്യ 2024 ആയി റിയ സിൻഹ തെരഞ്ഞെടുക്കപ്പെട്ടു. ഇന്നലെ (സെപ്റ്റംബർ 22 ) രാജസ്ഥാനിലെ ജയ്‌പൂരിൽ നടന്ന മത്സരത്തിലാണ് വിജയിയെ തെരഞ്ഞെടുത്തത്. ഈ വർഷം അവസാനം മെക്‌സിക്കോയിൽ നടക്കുന്ന മിസ് യൂനിവേഴ്‌സ് 2024 മത്സരത്തിൽ റിയ സിൻഹ ഇന്ത്യയെ പ്രതിനിധീകരിക്കും.
‘ഇന്ന് ഞാൻ മിസ് യൂണിവേഴ്‌സ് ഇന്ത്യ 2024 കിരീടം നേടി. മുമ്പത്തെ വിജയികളിൽ നിന്ന് ഞാന്‍ പ്രചോദനം ഉള്‍കൊണ്ടിട്ടുണ്ട്. ഈ വർഷം ഇന്ത്യ വീണ്ടും മിസ് യൂണിവേഴ്‌സ് കിരീടം നേടുമെന്ന് ഞാൻ പ്രതീക്ഷിക്കുന്നു. എല്ലാ പെൺകുട്ടികളും അർപ്പണബോധമുള്ളവരും സുന്ദരികളുമാണ്. ഈ കിരീടത്തിന് ഞാന്‍ യോഗ്യയാണെന്ന് കരുതാൻ എന്നെ പ്രേരിപ്പിച്ച എല്ലാവരോടും എനിക്ക് നന്ദിയുണ്ട്.’ കിരീടനേട്ടത്തിന് ശേഷം റിയ സിൻഹ പ്രതികരിച്ചു.
18 കാരിയായ റിയ സിൻഹ ഗുജറാത്ത് സ്വദേശിയാണ്. നടിയും മിസ് യൂണിവേഴ്‌സ് ഇന്ത്യ 2015 വിജയിയുമായ ഉർവശി റൗട്ടേല ആണ് വിജയിയെ പ്രഖ്യാപിച്ചത്. ഇന്ത്യ ഈ വർഷം വീണ്ടും മിസ് യൂണിവേഴ്‌സ് കിരീടം നേടുമെന്നാണ് പ്രതീക്ഷിക്കുന്നതെന്ന് ഉർവശി റൗട്ടേല പറഞ്ഞു.
Be the first to comment