എസ്എസ് രാജമൗലിയുടെ ആർ ആർ ആർ ആണ് അടുത്ത കാലങ്ങളിലായി വാർത്തകളിൽ ഇടംപിടിച്ചിരിക്കുന്നത്. ഗോൾഡൻ ഗ്ലോബ്‌സ് 2023 മുതൽ ക്രിട്ടിക്‌സ് ചോയ്‌സ് അവാർഡുകൾ വരെ, ജൂനിയർ എൻടിആറും രാം ചരണും അഭിനയിച്ച ചിത്രം നേടി. മികച്ച ആക്ഷൻ കൊറിയോഗ്രാഫിക്കുള്ള സിയാറ്റിൽ ക്രിട്ടിക്‌സ് അവാർഡ് നേടിയിരിക്കുകയാണ് ചിത്രം.
പ്രേം രക്ഷിതും ദിനേശ് കൃഷ്ണനും ചേർന്നാണ് സ്റ്റണ്ട് കൊറിയോഗ്രാഫി ചെയ്തത്. വിക്കി അറോറ, ഇവാൻ കോസ്റ്റാഡിനോവ്, നിക്ക് പവൽ, റൈച്ചോ വാസിലേവ് എന്നിവർ ആർആർആറിന്റെ സ്റ്റണ്ട് കോ-ഓർഡിനേറ്റർമാരായിരുന്നു.
ഇന്ത്യന്‍ സിനിമ ചരിത്രത്തില്‍ ഏറ്റവും കൂടുതല്‍ മുതല്‍ മുടക്കുള്ള ചിത്രമാണ് ആര്‍ആര്‍ആര്‍. മാര്‍ച്ച് 25നാണ് ചിത്രം പ്രേക്ഷകര്‍ക്ക് മുന്നിലെത്തിയത്. 650 കോടി മുതല്‍ മുടക്കിയ ചിത്രം ആയിരം കോടി ക്ലബ്ബില്‍ ഇടംനേടിയിരുന്നു. രൗദ്രം രണം രുദിരം എന്നാണ് ആര്‍ആര്‍ആറിന്റെ യഥാര്‍ത്ഥ പേര്. ബ്രിട്ടീഷ് രാജിനെതിരെ ധീരമായ പോരാട്ടം നടത്തിയ രണ്ട് ഇന്ത്യന്‍ സ്വാതന്ത്ര്യസമര സേനാനികളെ കുറിച്ചാണ് ചിത്രം പങ്കുവയ്ക്കുന്നത്. ജൂനിയര്‍ എന്‍.ടി.ആര്‍. കൊമരു ഭീം ആയും രാം ചരണ്‍ അല്ലൂരി സീതരാമ രാജുവായിട്ടുമാണ് ചിത്രത്തില്‍ എത്തുന്നത്. സീത എന്ന കഥാപാത്രത്തിനെയാണ് ആലിയ അവതരിപ്പിക്കുന്നത്. ചരിത്രവും ഫിക്ഷനും കൂട്ടിചേര്‍ത്താണ് ചിത്രം ഒരുക്കിയത്.
The @SeattleCritics 2022 award for BEST ACTION CHOREOGRAPHY:
** RRR **#RRR | @RRRMovie (@netflix) | @SSRajamouli | @DVVMovies#SFCS #SFCSAwards2022 #BestActionChoreography pic.twitter.com/GoFf1AWnVf
— Seattle Film Critics (@seattlecritics) January 17, 2023
Be the first to comment