അതിരമ്പുഴ:ഏറ്റുമാനൂർ സബ്ജില്ല ശാസ്ത്രോൽസവത്തിൽ സാമൂഹ്യശാസ്ത്രത്തിൽ ഒന്നാം സ്ഥാനം ഓവറോൾ ട്രോഫിയും, ഗണിത ശാസ്ത്രം, ശാസ്ത്രം എന്നിവയിൽ രണ്ടാം സ്ഥാനം ഓവറോൾ ട്രോഫിയും പ്രവൃത്തിപരിചയമേളയിൽ മികച്ച വിജയo എന്നിവ കരസ്ഥമാക്കിയ സെൻ്റ് അലോഷ്യസ് എൽ പി സ്‌കൂളിലെ വിദ്യാർത്ഥികളെയും അധ്യാപകരെയും സ്കൂൾ മാനേജർ ഡോ.ജോസഫ് മുണ്ടകത്തിൽ അഭിനന്ദിച്ചു.
ചിട്ടയായ പരിശീലനവും, പരിശ്രമവുമാണ് ഉജ്വല വിജയം നേടുവാൻ കുട്ടികളെ പ്രാപ്തരാക്കിയത്. കുട്ടികളിൽ ശാസ്ത്രാഭിരുചി, സാമൂഹികാവബോധം, നിർമാണ ചാതുര്യം, എന്നിവ കണ്ടെത്താനും, വളർത്താനും മേളകൾ സഹായിക്കുന്നുവെന്ന് ഹെഡ്മിസ്ട്രസ് ബീന ജോസഫ് പറഞ്ഞു.
Be the first to comment