കൊച്ചി: സ്വര്ണക്കടത്ത് കേസ് പ്രതി സ്വപ്ന സുരേഷിന്റെ രഹസ്യമൊഴിയുടെ പകര്പ്പ് എന്ഫോഴ്സ്മെന്റിന് ലഭിച്ചു. പകര്പ്പ് ലഭിച്ചതിന് പിന്നാലെ സ്വപ്നയെ വിശദമായി ചോദ്യം ചെയ്ത് മൊഴിയെടുക്കാന് ഇഡി തീരുമാനിച്ചു. ബുധനാഴ്ച കൊച്ചിയിലെ ഇഡി ഓഫീസില് ഹാജരാകാന് ആവശ്യപ്പെട്ട് ഇഡി സ്വപ്നയ്ക്ക് നോട്ടീസ് നല്കിയിട്ടുണ്ട്. സ്വപ്ന സുരേഷ് 164 എ വഴി കോടതിയ്ക്ക് നല്കിയ 27 പേജുള്ള രഹസ്യ മൊഴിയാണ് ഇഡിയ്ക്ക് ലഭിച്ചിട്ടുള്ളത്. ഇഡിയുടെ കേന്ദ്ര ഡയറക്ടറേറ്റ് ഈ മൊഴി പരിശോധിച്ച് അന്വേഷണവുമായി പോകാന് കൊച്ചി യൂണിറ്റിന് നിര്ദ്ദേശം നല്കി. കള്ളപ്പണ കേസില് ഇഡി ചോദ്യം ചെയ്തപ്പോള് വെളിപ്പെടുത്താത്ത പുതിയ വിവരങ്ങള് ഇപ്പോള് നല്കിയ 164 സ്റ്റേറ്റ്മെന്റില് ഉണ്ടെന്നാണ് ഇഡി ഉദ്യോഗസ്ഥര് നല്കുന്ന സൂചന. അന്വേഷണത്തിന്റെ ആദ്യഘട്ടമായി സ്വപ്ന സുരേഷിനെയാണ് വിളിച്ച് വരുത്തുക. മൂന്ന് ദിവസമെടുത്ത് കോടതി രേഖപ്പെടുത്തിയ ഈ 164-ല് ഉള്ള വിവരങ്ങള് കൂടി പരിശോധിക്കേണ്ടതുണ്ടെന്നാണ് ഇഡി വ്യക്തമാക്കുന്നത്. ഇതിനിടെ കസ്റ്റംസിന് മറ്റ് രണ്ട് കേസുകളിലായി സ്വപ്ന സുരേഷ് നല്കിയ രണ്ട് രഹസ്യമൊഴികള് ആവശ്യപ്പെട്ട് ഇഡി നല്കിയ അപേക്ഷ തിങ്കളാഴ്ച കോടതി പരിഗണിക്കും.
Related Articles
![](https://www.yenztimes.com/wp-content/uploads/2024/04/sasidharan-326x245.jpg)
ശശിധരന് കർത്ത ഇന്നും ഇഡിക്ക് മുന്നിലെത്തിയില്ല; വീണ വിജയന് നോട്ടീസ് അയച്ചേക്കും
കൊച്ചി: മാസപ്പടി കേസിൽ സിഎംആർഎല്ലിലെ മൂന്ന് ഉദ്യോഗസ്ഥർ എൻഫോഴ്സ്മെന്റ് ഡയറക്ടറേറ്റിന് മുന്നിൽ ഹാജരായി. എന്നാൽ എംഡി ശശിധരൻ കർത്ത ഹാജരായില്ല. ചീഫ് ഫിനാൻസ് ഓഫീസറും ഐടി മാനേജറും സീനിയർ ഐടി ഓഫീസറുമാണ് ഇന്ന് എത്തിയത്. കരിമണൽ കമ്പനിയായ സിഎംആർഎല്ലിന്റെ എംഡി ശശിധരൻ കർത്ത അടക്കം നാല് പേർക്കാണ് ഇന്ന് […]
![](https://www.yenztimes.com/wp-content/uploads/2023/11/Thomas-isaac-326x245.jpg)
കിഫ്ബി മസാല ബോണ്ട് കേസ്; തോമസ് ഐസക്കിന് സമന്സ് അയക്കാന് ഇഡിക്ക് അനുമതി
മസാല ബോണ്ട് സമാഹരണത്തിലെ ഫെമ ലംഘന കേസില് മുന് ധനകാര്യമന്ത്രി തോമസ് ഐസക്കിന് പുതിയ സമന്സ് അയക്കാന് ഹൈക്കോടതി ഇഡി ക്ക് അനുമതി നല്കി. സമന്സ് അയക്കുന്നത് നിര്ത്തിവെക്കാന് നേരത്തെ ഹൈക്കോടതി പുറപ്പെടുവിച്ച ഇടക്കാല ഉത്തരവ് പുതുക്കിക്കൊണ്ടാണ് പുതിയ ഉത്തരവ് വന്നത്. തോമസ് ഐസക്കിന് നേരത്തെ അയച്ച സമന്സില് […]
![](https://www.yenztimes.com/wp-content/uploads/2024/03/ED-SC-326x245.jpg)
വിചാരണയില്ലാതെ വ്യക്തികളെ അനിശ്ചിതകാലം തടവില് വയ്ക്കരുത്; ഇ ഡിയോട് സുപ്രീംകോടതി
അറസ്റ്റ് ചെയ്യുന്ന വ്യക്തികളെ അനിശ്ചിതകാലം വിചാരണയില്ലാതെ ജയിലില് വയ്ക്കുന്ന എന്ഫോഴ്സ്മെന്റ് ഡയറക്ടറേറ്റ് (ഇ ഡി) നടപടിയെ വിമര്ശിച്ച് സുപ്രീം കോടതി. അനുബന്ധ കുറ്റപത്രം സമര്പ്പിച്ച് കുറ്റാരോപിതര്ക്ക് ജാമ്യം നിഷേധിക്കുന്ന ഇ ഡി നടപടിയെ ആണ് സുപ്രീം കോടതി രൂക്ഷമായി വിമര്ശിച്ചത്. കുറ്റാരോപിതരെ വിചാരണ കൂടാതെ തടങ്കലില് വയ്ക്കുന്നതിന് അന്വേഷണം […]
Be the first to comment