കോട്ടയം: ജില്ലാ ലൈബ്രറി കൗൺസിൽ സംഘടിപ്പിക്കുന്ന പുസ്തകോത്സവം ഒക്ടോബർ 18, 19, 20 തിയതികളിൽ കോട്ടയം നാഗമ്പടം സ്പോർട്സ് കൗൺസിൽ ഇൻഡോർ സ്റ്റേഡിയത്തിൽ നടക്കും.18 ന് രാവിലെ 10ന് മന്ത്രി വി എൻ വാസവൻ പുസ്തകോത്സവം ഉദ്ഘാടനം ചെയ്യും. തിരുവഞ്ചൂർ രാധാകൃഷണൻ എം എൽ എ അദ്ധ്യക്ഷത വഹിക്കും.
സർവ്വവിജ്ഞാനകോശം ഡയറക്ടർ ഡോ.മ്യൂസ് മേരി ജോർജ് മുഖ്യ പ്രഭാഷണം നടത്തും.ലൈബ്രറി കൗൺസിൽ സംസ്ഥാന എക്സിക്യൂട്ടീവ് കമ്മറ്റി അംഗം അഡ്വ.പി കെ ഹരികുമാർ വയന സന്ദേശം നല്കും. ജില്ലാ പഞ്ചായത്ത് പ്രസിഡൻ്റ് കെ വി ബിന്ദു പുരസ്കാര സമർപ്പണം നടത്തും.കോട്ടയം മുൻസിപ്പൽ ചെയർപേഴ്സൻ ബിൻസി സെബാസ്റ്റ്യൻ ആദ്യ വില്പന നിർവ്വഹിക്കും. ജില്ലാ ലൈബ്രറി കൗൺസിൽ പ്രസിഡൻറ് ബാബു കെ ജോർജ്, സെക്രട്ടറി അഡ്വ.എൻ ചന്ദ്രബാബു, വി കെ കരുണാകരൻ, പൊൻകുന്നം സെയ്ത്, സി എം മാത്യു, കെ എസ് രാജു, ഇ എസ് ബിജു, പ്രൊഫ.കെ ആർ ചന്ദ്രമോഹനൻ, ഷൈജു തെക്കുംചേരി തുടങ്ങിയവർ പ്രസംഗിക്കും.
ഉച്ചകഴിഞ്ഞ് 3 ന് “കുമാരനാശാൻ കവിതയും ജീവിതവും” എന്ന വിഷയത്തിൽ നടക്കുന്ന സെമിനാറിൽ ഡോ.എം ജി ബാബുജി, ആർ പ്രസന്നൻ,ഡോ.മ്യൂസ് മേരി ജോർജ് ,ഡോ.മഞ്ജുഷ പണിക്കർ, ജയന്തി കുമാർ ആർ ,കെ പി ദേവദാസ് തുടങ്ങിയവർ പങ്കെടുക്കും. തുടർന്ന് 4.30 ന് നടക്കുന്ന കവിയരങ്ങ് കവി എസ് ജോസഫ് ഉദ്ഘാടനം ചെയ്യും.ബി ശശികുമാർ അദ്ധ്യക്ഷത വഹിക്കും.
19 ന് രാവിലെ 10 ന് നടക്കുന്ന വനിതാ സംഗമം ഡോ.സുജ സൂസൻ ജോർജ് ഉദ്ഘാടനം ചെയ്യും. ഡോ.സിന്ധു മോൾ ജേക്കബ് അദ്ധ്യക്ഷത വഹിക്കും. എൻ ഡി ശിവൻ, ബിജു എബ്രഹാം, എസ് വിജയലക്ഷ്മി, അനഘ ജെ കോലത്ത്, അഡ്വ.ഷീജ അനിൽ, സിൻസി പാറയിൽ, ഹേന ദേവദാസ്, ബി സോഫിയ തുടങ്ങിയവർ പങ്കെടുക്കും.ഉച്ചകഴിഞ്ഞ് 3 ന് പുസ്തക പ്രകാശനം നടക്കും.
20ന് രാവിലെ 10 മുതൽ കാർട്ടൂൺ ചിത്രികരണ ക്ലാസ് നടക്കും.പ്രസന്നൻ ആനിക്കാട്, അനിൽ വേഗ എന്നിവർ ക്ലാസ് നയിക്കും.ജോർജ് സെബാസ്റ്റ്യൻ അദ്ധ്യക്ഷത വഹിക്കും.ടി കെ ഗോപി, പി എൻ സോജൻ തുടങ്ങിയവർ പ്രസംഗിക്കും.ഉച്ചകഴിഞ്ഞ് 3 ന് ബി ഹരികൃഷ്ണൻ്റെ അദ്ധ്യക്ഷതയിൽ സമാപന സമ്മേളനം നടക്കും. ശശിധരൻ മുഞ്ഞനാട്ട്, ഇ എൻ വാസു, ജയിംസ് വർഗീസ്, പി യു വാവ, സാബു കുഞ്ഞൂഞ്ഞ്, റോയി ഫ്രാൻസിസ് തുടങ്ങിയവർ പ്രസംഗിക്കും.
Be the first to comment