കൈപ്പത്തി വെട്ടിമാറ്റിയ കേസിൽ ഏഴു പേർ കുറ്റക്കാരെന്നു കണ്ടെത്തിയ കോടതി വിധിയോട് പ്രതികരിച്ചു പ്രൊഫസ്സർ ടിജെ ജോസഫ്. തന്നെ ആക്രമിക്കാൻ ഗൂഢാലോചന നടത്തിയവർ ഇപ്പോഴും കാണാമറയത്താണ്. അവരാണ് ശരിയായ കുറ്റവാളികൾ. ഒന്നാം പ്രതി സവാദ് ഇപ്പോഴും ഒളിവിലാണ്. സവാദിനെ കണ്ടെത്താൻ കഴിയാത്തത് നിയമ സംവിധാനത്തിന്റെ പോരായ്മയാണ്.താൻ മാത്രമല്ല പ്രതികളും ഇരകളാണെന്ന് അദ്ദേഹം പ്രതികരിച്ചു.
പ്രതികളെ ശിക്ഷിക്കുന്നത് കൊണ്ട് ഇരക്ക് നീതി ലഭിക്കുമെന്ന് താൻ വിശ്വസിക്കുന്നില്ല. പ്രാകൃതമായ വിശ്വാസത്തിന്റെ പേരിലാണ് തന്നെ ആക്രമിച്ചത്. ആക്രമിച്ചവരും ആ വിശ്വാസത്തിന്റെ ഇരകളാണ്. ഇരക്ക് നീതി കിട്ടുമെന്നത് അബദ്ധ വിശ്വാസം മാത്രമാണെന്നും അദ്ദേഹം പറഞ്ഞു.
Be the first to comment