കോട്ടയം: പങ്കാളികളെ കൈമാറിയ കേസിലെ പരാതിക്കാരിയെ കൊലപ്പെടുത്തിയതിന് ശേഷം ആത്മഹത്യക്ക് ശ്രമിച്ച ഭർത്താവും മരണത്തിന് കീഴടങ്ങി. ആരോഗ്യം വീണ്ടെടുത്ത് പോലീസ് ചോദ്യം ചെയ്യാനിരിക്കെയാണ് മരിച്ചത്. കോട്ടയം മെഡിക്കൽ കോളജിൽ ചികിത്സയിൽ കഴിയുകയായിരുന്നു. ഇന്ന് പുലർച്ചെ നാല് മണിയോടെയാണ് മരണം സംഭവിച്ചത്.
യുവതിയുടെ കൊലപാതകത്തിന് പിന്നാലെ വിഷം കഴിക്കുകയായിരുന്നു. തുടർന്ന് ഇയാൾ ചങ്ങനാശ്ശേരിയിലെ സ്വകാര്യ ആശുപത്രിയിൽ ചികിത്സ തേടി. ഇവിടെ നിന്ന് പോലീസ് കസ്റ്റഡിയിലെടുത്ത് കോട്ടയം മെഡിക്കൽ കോളേജിലേക്ക് മാറ്റുകയായിരുന്നു. മണര്‍കാട് മാലത്തെ വീട്ടില്‍ വച്ച് ഈ മാസം 19നായിരുന്നു യുവതി ദാരുണമായി കൊല്ലപ്പെട്ടത്. അന്ന് വൈകുന്നേരം തന്നെ ഭർത്താവിനേയും വിഷം കഴിച്ച നിലയിൽ കാണുകയായിരുന്നു.
Be the first to comment